الحوار في ورطة !!!!!!

صبحكم الله بالخير
يالربع البارحة ولدت عندنا ناقة ومات حوارها وبعده قمت وسحبته وجبنا حوار ناقتن ثانية عمره شهر وحطينها عليه سبايا الحوار وبلمنا خشمها عشان مايرغي وفقرناله المهم وحطيناه في شبك الحاله وجبنا الناقة عنده وخليناهم الحالهم (بالعلم ان الناقة ماشافت حوارها الميت ) لكن ماركبته ولا رامت عليه ويوم اصبحنا فكيت الحوار وارضعته منها من وشالها وبعده رديته هو وياها للشبك ام الحوار الاصلي المشكلة ان ام الحوار الاصلية عافته الصبح مع انها بغت تكسر الشبوك يوم شلناه في الليل وهي طبعها ماتداني على حوارها والله انها ماامست لين رسغناها يدها في الارض لكن المشكلة ان حوراها يوم جاها الصبح تبيه لكن الحوار كان موالف الجديدة وراضعن منها وهذي الجديدة مارامته ولا تبيه وصار الحوار يتيم هذي تطرده بقوة والجديدة ماتطرده لكن ما تدر ولا تعطف ولا هي فيها لبن واجد
بس مدري ام الحوار مستنكرة حوارة ولا وش القصة
وش الحل
بغيت اضيرها قالولي خلها 3 ايام
وفكرت اضير امه الاصلية
القصد كله ابي الحوار يرضع من الثنتين
والحين افلس منها كلها ....هههههههه شر البلية مايضحك
وسلامة الجميع

اخ عبدالعزيز والله قصتك غريبة جدااا
خصوصا ان الحوار مع امة وهي تبية ليش تسحبة منهااااا لكن ننتظر مشارك الاخوة الكرام اكيد ان شاء الله بيفيدونك

صحيح مشكله
اذا لم تعطف عليها احداها اعتقد مالك الا الضيار ولكن المحاوله مع امه الاصليه اجدى

أقعد بها يالفيلسوف كان خليت الحوار مع أمه وتعوذت من ابليس وخليته يرضع من امه وبتكفيه
لكن مالك اللا واحد من امرين
1- اتخليه مع الناقه اللي مات حوارها 3 أيام فالشبك وانشاء الله اتعطف عليه ولا تستعجل. أذا ماعطفت
2- ظير أمه عليه.

اتوقع ان ريحت الحوار الي ميت راكبته عشان كذا ماتبيه امه (ما عرفته) اتوقع اذا ان الثنتين بترضعه لاكن اصبر

اتخليه مع الناقه اللي مات حوارها 3 أيام فالشبك وانشاء الله اتعطف عليه ولا تستعجل
وبالنسبة لامه الاصلية يمكن شمة ريحة الحوار اللي ميت وعافته
والطريقة الاخيرة انك تظيره على امه....
والله الموفق,,,

بيض الله وجيهكم
لكن هذا ماهوب الحل الي ابي منكم انتو مطلوب منكم اكثر


(أقعد بها يالفيلسوف كان خليت الحوار مع أمه وتعوذت من ابليس وخليته يرضع من امه وبتكفيه )
شكرا ياحميد على الاسلوب الطيب

يا طويل العمر ضير امة علية ..........هذا هو الحل الوحيد
وذا ناقتك اللي مات ولدها فيهااا حليب اشتر لك حوار من السوق وضيرة الناقة علية
وسلامتك يا ابو سعود

والله راعي الحوار بورطة مو الحوار


اذا ما رامن الناقتين ما لك الا التضيير

و غريب الناقة ما درت على حوارها المفروض الناقة تعرف حوارها من صوته

الله يعينك

انت راعي دجاج وش عرفك بالبل جعلك افداها ياعبدالعزيز المحمد لكن وش انقول عزالله انها ابتلت البل

افاااااااااااااااااااااااااااااااااااااااااااااااا ااااااااااااااااا ماهوب العشم يالمري
ان كان هذا هو اقصاك ومداك فتارك مسموح ومعذور والله يبيح منك ولا تزعل انا عادي ماهمني ولا التفت لذي الامور
انا راع دجاج راعي حمام الي هو
ابد ماهنا الا العوافي وعط عمرك الراحة وانا كان ذا يرضيك فقل الي عندك والله لو تكلم منا الى بكرة تراك مسموح لا تخلي كلمة في خاطرك
ومثل ماقال المثل الرجل مادام ساكت جبل ان تكلم بان ما وراه وعسى لا يحدنا على اقصانا يا حمد
وابشرك الدعوى عوافي حوار وما حوار لو تجيني ذبحتلك اياه ولا تزعل والي انت قلته وغلطت فيه اعتبر نفسك ماقلت شي ومسموح
وابيك تدقق في كلامي اذا فيه شي لا تسامحني وابشر بالي تبيه
ترى اكتب لك هالكلام واناضحك واقول الموضوع مايسوى هالكتابة كلها لكن تقديرا لك ولاني شفت حساس ومهمتم به
والسلام عليكم ورحمة الله وبركاته

ارحب يابومطير
هلابك وغلا الشغلة كلها الحوار بغيته يرضع من ثنتين
اما الغير فامه بتركبه انشالله لاني عزلته هووياها واشوفها اليوم اشوى لكن عادها مادرت
ارحب يامنصور
تسلم على المرور وابشرك الورطة مابه ورطة واناخوك كلها سهالات وان شفناها ماضبطت الشغلة خلينا السوداني يحطه ثلاجة
ولا وشرايك

تسلمون عالمرور

(شكرا ياحميد على الاسلوب الطيب)

أعرف اشلون تكتب أسامي الرياجيل اول شي وبعدين انا قلت فيلسوف وانا صادق انت اتبعت فلسفة جديده.

وماعندي لك اللا المثل اللي يقول (على غير أهلها ما تجيب راس مالها)

يا اخوان يا كرام الاخ حمد المري والاخ عبدالعزيز المحمد
ترا السالفة بسيطة وانتم اخوان والاخوان يصير بينهم مزح وزعل لكن بسرعة يروح وعساكم ع القوة

يقويك يابو مطير وابشر طال عمرك مافيه اللا كل علم طيب