انتفاخ في صدر الناقه

عندي يا اخوان ناقه باين عليها فجئه انتفاخ في نحرها من الجهه اليمنى وهو اول مره يجيها
علما بان الناقه اكلها طيب ولا لها دموع ولا تلاحظ عليها اي شي غير هذا الانتفاخ .

أخوي سلطان


النفخ هو يزيد يومياً أو ثابت وهل بطن الناقه منتفخ أم لا 0 إن كان بطن الناقة منتفخ دائم والنفخ اللي في النحر يزيد يومياً فهذا يسمونه مرض بو حنيجير أو أبو جريجير ويستمر النفخ حتى يشمل البطن من تحت يسرول وتنتفخ قصرت المطية 0 ونادراً ماتسلم المطية منه وله كي أنا جربته في ناقتين عندي وحده شفيت بقدرة الله وواحده تفداكم والمرض هذا خطير جداً

عسى الله يشفيها
لكن اخوي شجاع هل هو معدي عشان الرجال يعزل الناقة ولا لا
وجزاك الله خير

عسى الله يشفيها
لكن اخوي شجاع هل هو معدي عشان الرجال يعزل الناقة ولا لا
وجزاك الله خير

مرحباً ياعبدالعزيز


المرض هذا غير معدي أبداً


تحياتي للجميع

والله ياخوي سلطان انا عندي نفس المشكله. ونبي الاخوان يفيدونا بالحل ...

النفخ في الجهه اليمنى من نحرها فقط لاغير ولايوجد اي انتفاخات اخرى المكان المنتفخ كل يوم يقصى ( يجمد ) واحس اني اذا ضغطت عليه بقوه يوجعها واثر على مشيتها في اليد اليمنى .
واعتقد انه خراج فقط

السلام عليكم ورحمة الله وبركاته

يا اخوان المرض هذا خطير ولاكن عندي العلاج انشاء الله .

انا ودي اسئالكم الناقه في بعض المرات اذا شفتها شبعت من العلاف ترجع اعزكم الله ( تستفرغ يعني تطلع بعض الاكل الي كلته برى ؟؟ والشي الثاني الناقه اذا جت تمشي ادين الناقه تصير متباعده عن بعض وتحس مشيت الناقه متراوله شوي ؟ وهل النحر على الرقبه الي على امتداد الرقبه من تحت تحس انه منتفخ شوي او تقول في انتفاخ .
ودي تردون علي وانا انشاء الله اعطيكم الي انا اعرفه انشاء الله واحاول اساعدكم .

النفخ في الجهه اليمنى من نحرها فقط لاغير ولايوجد اي انتفاخات اخرى المكان المنتفخ كل يوم يقصى ( يجمد ) واحس اني اذا ضغطت عليه بقوه يوجعها واثر على مشيتها في اليد اليمنى .
واعتقد انه خراج فقط

أخ سلطان المطيري


أبشر بالعافية لناقتك 0 اللي فيها دريّة وبتظهر وإن جبت لها الدكتور يفتحها وينظفها فهو أفضل لأن خروجها وأنفقاعها بطئ جداً وتوجع الناقة 0 أنا بنفسي حصلت معي نفس المشكلة وأحميت سكين على النار لين راحت جمرة حمراء وفتحت بها الدرية وعصرتها لين نضفت وغسلتها بما وملح ومن يوها والناقة مشيها زين وسلمت 0

أنتبه الفتح تر طعنة بدون شق في وسط الدرية

اتوقع ياسلطان انه خراج وبينفجر وبتعافى ناقتك انشاء الله

ولكن احرص على ضغطه عندما ينفجر يعني لاتخليه يتسكر وهو باقي فيه صديد حتى لايعاود الظهور مرة اخرى

تقبل تحياتي

الله يبارك فيكم
ينفع بكم المسلمين

اخوكم سلطان

مرحباً ياعبدالعزيز


المرض هذا غير معدي أبداً


تحياتي للجميع

حسب علمي ان مرض ابو جريجير ( ابو المناحر-ابو دبه) معدي وقاتل

****************

وبالنسبة لناقتك اخوي سلطان فيبدو لي ان ما فيها ابو جريجير ولله الحمد

مجرد ما تفضل الاخوان بذكره(خراج وبينفجر لحاله)

شكرا على حرصك اخوي مسعود