فزعتكم يا أهل الفزعات النااقه مريضه

[غير مسجل]

الناقه ام رابع ولدت بكره وبعد مرور شهر الناقه ضمرت وضعف حيله وبقووه الله يكرمكم دمانه صار صغير ويابس وفيه مثل الشوكه المهم

جبنا البيطري ودقه ابره هياام في الوريد وبعده اخذ عينه دم وطلعت نتيجه الفحص خاليه من اي مرض ومع ذلك الناقه ضعف حاله اكثر من

اول عطينا حبوب الدود ومانفع وعطيناه فيتامين وعطينا ابره جرب ولانفع وش الحل جزاءكم الله الف خير ....

الأخ الكريم


ناقتك مجرورحة معها الجرح وله كيّة على الكلا يمين ويسار والجرح بما يسمى في الطب البيطري بالإلتهاب الكلوي

أرجو أن قد أفددتك

مع الاخ شجاع

مثل ما قال اخوي شجاع

يمكن ناقتك مجروحه

الاخوان ماقصروا

لكن الدمن اعزكم الله اذا صار فيه مثل الشوكه يسمونه عندنا شويكة بطن وعلاجه الكي مثل الصليب عن اليمين وعن اليسار على البطن ,,,,

والله الشافي

السلام عليكم مثل ماقالوا الاخوان
الشوكة ,والمجروحة نفس المسمى على ماظن
والكي مطرقين على اليمين و على اليسار
على الكلوة
وتقبل مروري
والله الشافي سبحانه

,,,,,,,,,,,,,,,,,

فيه علاج للشوكه انا مجربه
محلول عباره عن كيسين بودره تخلط مع بعض وثم تخلط مع ماء وثم تسقى بها الناقه لمدث ثلاث ايام
وابره لمدة اربع ايام متواصله
والشوكه كل ما تأخرت في علاجها كان خطر على الناقه

اذا كانت الناقه اذا بركت تقدم ثفنتها وتتكي عليها ودمنها مثل ماقلت راسه مدبب فهي فيها الجرح وعلاجه عند البدو الكي على الكلوه من اليمين واليسار على شكل حرف E ووجهه للاسفل ويكون المطرق الاوسط اطول شوي من الباقين واسال الله ان يشفي ناقتك ويعافيها

[align=center]نعم هذه مواصفات مرض الجرح الله يكفينا وأياكم شره لكن شف لك خبير يكوي صحيح وهو كما قال الأخ راشد العرق على شكل E[/align]

لا تتعجل وجبلك خبير لان الشوكه ثنتين ومعويه وفي الكليه ....الكليه من اعراضها قلت التبول