وش الحل يالربـــــــــــــع بالقعود

السلام عليكم ورحمة الله وبركاتة

مساكم الله بالخير جميع ..

يالربع أنا عندي قعود لقي توني شاريه وشلته في الدنه ويوم نزلته عندي ماقام والمسافة ماهي بعيده حوالي ساعه من مراحه الي مراحي والقعود مستبرك له الحين ثمان ايام وجبتله علاج اعصاب بس مانفع فيه ورفعته في الونش ابي اقومة بس القعود مايرتكي على قوايمة وش الحـــــل ياهل الخبـــره .

تحيتي لكم

ماني راعي خبره ولكن عندنا جار حمل له بكره في سياره وعند مانزلها استبركت ماتقوم مثل قعودك وجابله طبيب وكواها وقامت,,,,,

ورايي ابحث عن طبيب يكوي قعودك ,,,

والله يشفيه ويقومه بالسلامه ....

والله يبارك لك فيه........

السلام عليكم
عليك بالكي
والله الموفق نشاء الله
,,,,,,,

فواز حاول تسدح القعود كل يوم وتمد قوايمه علشان مايتعقل

انا مع الاخ عبدالله
وهذا الوهان وممكن ياخذلة 40 يوم تأكد من مباركه هل هي مقشره اذا كان حطله البخاخ الازرق

القعود متوهن من ( العراص ) أي الحبل المربوط في يديه وجاي من فوق قصرته كان مشدود بالحيل وهذا يسبب الوهان وعليك بالصبر وهو بيقوم إن شاء الله يمكن يأخذ 40 يوم ويمكن يقوم قبلها ولا تكويه إلا إذا عدا عليه أربعين يوم وعليك بالماء البارد حيل أصفقه على ترايبه ومنادغه ومحاشمه وإن شاء الله يقوم

تحياتي

فواز ياليت تعلمنى عن الحوال القعود او باول
لانه هذا الموضوع اول مره يمر علينا

[ سامر الحربي
بدر العازمي
عبدالله المسعودي
فيصل بن مرخان
شجاع الاكلبي
سلطان المطيري


بيض الله وجيهكم
وما قصرتم وهاذي معلومات مفيده
وجعلها في موازين اعمالكم

السلام عليكم
اخي فواز الكلام الي قاله الأخ عبد الله مهم وهو من العلاج إن كتب له الله علاج وهو إنك تمغط قوايمه وعليك في ابرة فيتامين بي كمبلكس
وابرة التهاب المفاصل

مع كلام الاخ شجاج

اصبر اربعين يوم وبعدها اكوه حطله مطرقين على اليد
وعلى خويرمه وعلى البطن مطرق

وجرب عطه ابر الاعصاب .

هذا يسمونه البدو (وهن ) والكلمه دارجه كثيرا موهونه . او متوهن وهي ضعف اعصاب باليد او الرجل

وانا عندي ناقه مثلك وكويتها وبعد فتره جبت لها دنه اشيله اطلق رجوله وادينه والحمدلله توقف

وحالتها افضل

السلام عليكم ورحمة الله وبركاته
القعود متوهن

أالوقت الحالي تاخذ ماء وسم جره ويكون السم قليل ماده 15
وترش تحت القعود أول فائدة عدم وصول الحشرات والقردان للقعود
والفائده الثانيه يتحرك القعود في محاوله للإبتعاد عن السم الي في الارض
وعليك بالقت اليابس الملبن لينه مايغث ويخل القعود

للإستفسار 009745244029