وينك ياعيد

يالربع انا عندي ناقه شد الحبل حق الجنايب على ذنب الناقه وحفره ماابقى الى شوي وينقطع وش الحل ووش الدواء اللي يلم الجرح بسررررررعه قبل لاينقطع وانا حطيت لها دواء من الصيدليه ناسي اسمه ينظف الجرح لونه احمر علبته طشاش مثل حق القزاز ولون الدواء احمر يقول حق التنظيف وعلشان مايعفن الجرح ويجي في دوود

ولكم جزيل الشكر

مرحبا يا سالم

عليك بالبخاخ الازرق

تراه ممتاز للجروح ومجرب يلائم الجرح بسرعة بس استمر عليه

وبانتظار رأي بو احمد

عيد ماخذ له اجازة عند البل وبيرجع ان شاء الله

وبالتاكيد ان غيابة تارك فراغ لما يقوم به من نشاط كبير في المنتدى عامة وفي العيادة بشكل خاص

وبالنسبة للناقة فهذا يحصل دايم وبسيط ان شاء الله عليك بالبخاخ الازرق يومياً صباح ومساء

ولكن انتبه بان لاترفع الذيل واجد عند العلاج لكي يلتئم الجرح

تحياتي

[align=center]كما قال الأخ مسعود استمر على البخاخ الأزرق[/align]

مع الاخوه مسعود العماري ومبارك المري اكيد الصيدلي معطيك ايودين النوعان طيبه

لاهنتو وبيض الله وجيهكم علىماتسوون والله يعطيكم العافيه

الاخ سالم عليك بل مره