استفسار عن مرض الطير

السلام عليكم ورحمة الله وبركاته

الاخوان اللي عندهم معرفه بمرض الطير اللي يصيب الناقه

وتقوم تترنح في البدايه واذا بركت طاحت لو بنتها بجنبها ذبحتها

واخذت لها مده اسبوع وعقب بركت ولاعاد قامت اخذت لها ابر من البيطري ولا فادت

وكويناها ولاالحين في رجاءالله

احد مره عليه ولا فيه امل انها بتقوم

في انتظار نصايحكم الله لايهينكم

يا مرحبا يازاهر لاكن ما بعد الكوي شي اخر العلاج هو الكي انا اخبر واحد عندة ناقة القحة وجاها الطير
ويوم كواها تعافت ولدت والحين القحة والله الشافي

بسم الله الرحمن الرحيم

حياك الله يا زاهر

انا حصلت معاي مع ناقتين عندي كوينا وحده واخذت مده وماتت والثانيه

جذعه العام والسنه هذي خلفه تعافت والحمدلله الكوي المعروف تصليب الراس من فوق

وكي الخناع هذا حصل معي والحمدلله ماتت وجه وتشافت وحده

اما الناقه البارك فهو ( وهان _ موهونه ) وتكوي على عصب اليد

وعلى الخويرم من فوق من جنب الذنب وتاخذ مدة اربعين يوم وتقوم

وفي ابر للطير

واسمحلي اذا المعلومات ناقصه هذا الي اعرفه

أخوي زاهر

يوجد لدى البيطري أبرة تعطى للناقة المصابة بالطير
وتعطى بشكل يومي لمدة أربعة أيام على ما أعتقد

حصلت الحالة عند أثنين من الأخوان
واحد أستخدم الدواء .. وسلمت ناقته
والثاني كواها فوق راسها وأصبحت ميته
وهذا ما هو مقياس
الأول .. عالج الحالة في بدايتها .. وسلمت ناقته بامر الله
الثاني .. تأخر في علاج الحالة حتى أستفحل المرض وتمكن من الناقة

أسأل الله أن يعافي ناقتك من الطير
آمين

ياخوان الطير ليس الا نقص في فيتامين B1

والتأخر في علاجه قد يشكل صعوبة في الشفاء

ولا انصح بالكي مع الطير اطلاقاً

ياخوان الطير ليس الا نقص في فيتامين B1

والتأخر في علاجه قد يشكل صعوبة في الشفاء

ولا انصح بالكي مع الطير اطلاقاً

مع الاخ مبارك المري
واعطاء الناقه مجموعة فيتامينات بعد ان تبرك وخاصه بي كومبلكس او A D E مع عدم اعطاء الناقه الشعير
فقط البرسيم او الرودس مع الماء

السلام عليكم

أنا عندي ناقة لها من فترة أسبوع تقريباً تطامر وتناقز وما كان هذا طبعها لا يكون هذا الطير .

قبل حوالي سنه
اصيب فحل الابل بترنح وعدم اتزان في المشي
واهتزاز في الراس
وحاولت اعالجه ولاكن ما نفع
ومات الله يعوضنا بخير
وتقبل فائق احترامي

يازاهر بالنسبه للعلاج فيه مغذي يجيبونه من قطر ماعرف اسمه ينفع للطير وبالنسبه للمطيوره اذا استبركت انا حصلت عندي مرتين واستخدمت علاج بدو مجرب وناجح وهو تقطع حوالي 5سنتمتر من ذيل الناقه وراح تنزف دم اسود وثقيل في البدايه وبعده بيزين لون الدم واذا زان لون الدم وقف النزيف بالمسمار المطحون لان الطير مثل الجلطه وبعد ان يظهر الدم المتخثر تعافا باذن الله.
كذلك الله الله في الناقه بالحليب اسقها حليب على طول وامنعها في الماء.

الاخ خالد العرجاني

لاهنت على مرورك وبيض الله وجهك والناقه فداك

الاخوان

محمد بن شريه المطيري

فهد الأحمد

مبارك المري

عيدالمنصورى

أحمد الفلاح

سلطان المطيري

علي ال مرعي

الله لايهنكم ويرحم والديكم على نصايحكم

والناقه تفداكم والحلال دايم يقولون انه يفدي اغلى منه

وان شاالله انها فاديه اغلى منها

كل اللي قلتوه جربته فيها بدايه بالابر ثم الكي وقطع راس ذنبها لكنه ماجاء دم

وطلعت لها بيطري وقال هذي طفيليات تطلع في الدم وتنتقل للمخ وتاثر عليه

والحمدلله من قبل ومن بعد واللي له شي مايغدي له شي

تحياتي للجميع

اخوكم زاهر العرجاني

فادية راسك وابشر باالعوض يا زاهر

فادية راسك

الاخ خالدالعرجاني

تعوض وراسك العوض لابكيتك

وابشرك اماتها ماليه المراح والله لايهينك

الخ علي المرعي

الله لايهينك ويرحم والديك