البل تاكل دمنها

يالربع جزاكم الله خير شوفولنا حل الكل يشتكي من هالطبع الشين؟؟؟؟

[align=center]مرحبا والله بالجميع
... الحل والله عندي وانا أخوكم ...

أيذا بتسمعون لي

اللي يطعم غير المهروس والشوار هاذا اللي يعاني من المشكله هاذي
والمهروس له طريقه خاصــه وممتازه أنا اجربها لي ســنه تقريبا" والحمدلله واضح الفرق
بين أبلي وأبل الناس اللي حولي


الطريــقه: وضع كيس المهروس في حوض الماء لمدة ساعتين منها يلين الحب ومنها أينظفـه ويكثره

يستمر على هذا البرنامج لمــدة أسبوع ويشوف الفرق بأذن الله

وسلامتكم ...[/align]

انا عندي نفس المشكلة كانت البل ما تاكل الدمن وطعامي هو نفسه لكن شريت لي ناقة من السوق تاكل دمنها اعزكم الله وطرحت البل الباقيه في ذا الطبع الي ماهوب زين

البل تطرحها ناقه في ذا الطبع لكن عليك بتنظيف المراح وقطع الشعير

بيض الله وجيهكم جميعا على مشاركاتكم الطيبة

السلام عليك اخوي حمد عطها تمر معي الطعام نقعه في الماء من الصبح لين وقت الطعام واخلطه مع الطعام عشي الابل انا مجربنه اخوي هذا ولا عاد واحده تاكل دمن كرمك الله

السلام عليكم ورحمة الله وبركاته


اخوي اطعم الابل تمر تراه زين ويخليهن يقطعن الاكل اسال مجرب انا مجربنه ونفع

[align=center]الأخ حمد المنصوري

يقولون إن التمر يسقط حيران اللقحات وأنت تقول عطها تمر ياليت فهل هذا صحيح[/align]

اخوي ما عليك من الحكي انا مجربنه وابلي اطعمها تمر لحاله بدون اي اعلاف ثانيه ولا شي منهن صابه مكروه بس ينقع في الماء من الصبح لين ا وقت الطعام واطعم الابل منه صارلي تقريبا سنتين والحمد الله ما فيهن شي صابه مكروه

مساك الله بلخير اخوي محمد بنسبه لأكل البل لدمنها منتشر عند اغلب هل الابل لاكن الابل اللي تاكله بسراف يثر عليها ويجيب لها الدود واحيانن يجيب لها الهيام ولا تستفيد من العلف اللي تاكله ونصحك بشي جربته انا واستفادة منه الابل عندي ولله الحمد بشكل واضح.

1-اسقها على جره (قوتها 15) لمدة 3ايام وبعد 15يوم كرر سقيها على الجره بحيث يكون لون الماء المخلوط بلجره مثل اغسال الحليب (تسقى على الجره لقتل الديدان اللي في ابطونها)

2-اقطع عنها الشعير ومايتعلق به الشعير مثل مكعب الشعير

3-حاول تعزبها عن امراحها اللي تمرح فيه بحيث تقيل على الماء وتعلف وتروح تمرح خلاء حتى تنسى اكل الدمن


وعسى الله ينفع بما ذكرة ويرفع الوباء عن المسلمين اجمعين

-اسقها على جره (قوتها 15) لمدة 3ايام وبعد 15يوم




يامانع اللي سمعناه ان الجره للأستخدام الخارجي فقط وشربها يسبب تسمم في الدم وتقتل البل

صحيح اخوي نواف الجره تذبح الابل لثقلتها لاكن لصارة خفيفه ماتضررها بمشيئة الله

وسقيها على الجره اسرع واسهل من انك تعطي كل ناقه حبوب دود لصار عندك

مراح كامل مشكله وصعب تعالج كل ناقه

؟؟؟؟؟؟؟؟؟؟؟

بيض الله وجيهكم

الكبريت والمره بالماء او التمر سواء بالماء او خارج الماء ليس لها اي دخل بسقوط الجنين

اخوي حمد

الحمض زين وقطع عنها الشعير