أفيدوني في البعير الاكول ...؟؟

في بعير عماني طيب عند واحد من الربع والبعير يعض البوش وما يداني البكار

والبعير طيب لكن عذروبه اكول

في حل للبعير ...

1- فيه حل جب البيطري وخله يبنجه ويقطع نيبانه بعد كذاء خله يعظ على كيفه مامنه خطر على البكار


2_ الطريقه الثانيه اربطه بوسط شبك الابل ولاتقرب العلف منه الى اذا كانت الابل خارج الشبك مع الوقت يوالف الابل .

سعود تسلم على الحل الطيب

اعتقد ان الطريقة الاولى هي الحل الامثل

الحل ياخوي زايد

هو البلام والبلام يحط للبعير اللي يعض البل ويسمح له ياكل العلف ولا يقدر يعض لان البلام يرده لا يعض

مع راشد العرق.

بعض البعارين عندها مشكلة في النظر والتمييز

ولايفرق بين البكار خاصة والقعدان وتشوفة مايتعرض الخلفات البينة الواضحة

ويتركز هجومة على البكار اعتقاد انها قعدان

اربطة برباط وسط البل ولبس البكار جنايب ومدة بسيطة وتنتهي المشكلة

مع راشد العرق

مع راشد العرق

مع راشد العرق
واضافة b1فيتامين تهدئ البعير

تسلمون يا الربع على الاستشارة الطيبة

انا بجرب وبشوف

انا مجرب البلام ولايمنعة من انه ياكل العلف ويشرب بس ماعاد يعض واذا البعير عماني طيب فيه حل ثاني :ان يبيعه علي وانا افكه منه بس يرسل لي صورته واصله

الحل ياخوي زايد

هو البلام والبلام يحط للبعير اللي يعض البل ويسمح له ياكل العلف ولا يقدر يعض لان البلام يرده لا يعض

كلام خبير مع العرق

ما ظني يبعيه يا هادي

تسلم يا حمد على المرور

بس ممكن حد فيكم يصور لي البلام حتى اعرف اي نوع تقصدون

اخوي شوف هذا البلام بس اصغر شوي

http://www.3zba.com/vb/showthread.php?t=23704

تسلم والله يا بو سالم يمال المعزة في ذمته

عساك على القوة