يا هل الخبره وشي ذا الحالة و ويش علاجها

يا اخوان انا عندي بكره توها معشر ولاحظت عليها من يومين انها ما تاكل ولا تشرب وعلا طول مرخية رقبتها وافرازات لعابية ما تاقف وفالخدة انتفاخ و هذا كله صار بس من يومين
نبي فزعتكم الله يجزاكم خير

الاخ نايف الناقه فيها تخمه او غلاث او بارده
هل فيها رعشه ؟
هل راسها منتفخ؟ ومغطي عيونها ؟
هل تقوم الناقه؟
اذا قامت الناقه تترنح او تعض؟
هل عنكم شوك طلح او سدر ؟
ارجوا الاجابه على هذه الاسئله

الاخ نايف الناقه فيها تخمه او غلاث او بارده
هل فيها رعشه ؟
هل راسها منتفخ؟ ومغطي عيونها ؟
هل تقوم الناقه؟
اذا قامت الناقه تترنح او تعض؟
هل عنكم شوك طلح او سدر ؟
ارجوا الاجابه على هذه الاسئله

[align=center]اخوي فيصل تسلم على الرد أما الناقة مافيها رعشة
والنفاخ في خدتها واليوم زايد وبادي يلحق عينها
والناقه لا ترنح ولا تعض وحولنا طلح[/align]

اخوي الناقه صابها حمر خف عنها العلف واذا في شبك طلعها الصباح وخلها تمشي وبذن الله تصحا اخوي

[align=center]أخوي راشد مشكور على الرد لكن الناقة تسرح كل يوم و علفها معقول ماهوب اللي بزود
وما نستغني عن رايك[/align]

طبيعي الناقة اللي توها معشر و خصوصا اذا كانت بكر تمتنع عن الاكل و الشرب

لكن يمكن لسعها شئ

انصح تروح للبيطري وخله يكشف عنها يمكن صابها تسمم

هذه اعراض البارده والله اعلم ,


وحسب علمي ان مامنها خوف ,


والله الموفق ,

ما اعتقد ان فيها تخمة ولا هذا من آثار العشار


واحتمال انها الباردة مع ان الباردة ما تمنع من الاكل

لكن شف لك بيطري جيد وخلها يكشف عليها ويقرر

والله يشفيها ويبارك فيها

الاخ نايف
الناقه فيها بارده اغسل راسها ومكان التفخ بماء وملح
والناقه والله اعلم مقروصه اذا كنت تقول انك ما تعلفها زياده عن حدها
ممكن تعرف اذا تفقدتها والقرصه انتفاخ صغير اوكبير في مكان القرص
ولاتخاف اذا كانت عقرب
الهواش هي المميته وتحتاج عنايه ومكان القرص غالبا ما يوجد دم ويكون على شكل 11
اخيرا
اذا كان هنا ك انتفاخ في الحياء ممن انها تتصعد او بتفيخ
والله اعلم

[align=center]الأخوان زايد و نايف و مسعود فيصل
أشكركم على الردود والتفاعل وما قصرتوا
وجزاكم الله خير على جهدكم وتفاعلكم[/align]

هذا اخوي حسب رأي مضاهر العشار بس اذا طولت على ذا الحال الأفضل تعرضها على بيطري..

والله يباركلكـ في حلالكـ..