كيف اسمن الفحل ولا أضره

السلام عليكم ورحمة الله وبركاته وكل عام وانتم بخير وتقبل الله من الجميع وعساكم من عواده
عندي قعود كمل السنتين ودخل في الثالثة (سانشر صورته لاحقاً) ضعيف البنية شوي وابغى اسمنه وازينه مره فما افضل طريقة لذلك بحيث مايلحقه ضرر ذاكرت بعض الأخوان شرواكم فنصحني البعض بالمكعبات والخبز والبعض ذكر الملح لفتح الشهيه والنخالة وفيتامينات الكالسيوم والبرسيم فماراي الاخوان علما اني اعطيته اول ماشريته حبوب الدود وبعض المكعبات والشعير لكن ابغى الطريقة الصحيحة وقريبا ازود المنتدى الغالي ببعض الصور عنه .

وعليكم السلام والرحمه الله وبركاته
وانت بخير وصحه وسلامه

الله يبارك لك بالقعود ويطرح فيه البركه يارب

أخوى سعود القعود توه صغير وشوى شوى يبين عليه الحال وحبوب الدود تنفعه ماتضره عليك بشوار والبرسيم بالقصه ارج عليه ومايضر لو عطيته خبز وانشاء الله نشوف صورته بالمنتدى يزين المنتدى الفحل

والله يبارك لك فيه

[عبيد راشد المنصوري]

اخوي سعود عليك اولا بحبوب الدود اذا امكن فحص الدم وعليك الشعير المهروس قليلا تعطيه حتي لايضره بل قليل حتي يتعود والله يباركلك فيه

اخوي الله يباركلك فى القعود وانصحك بتوجيب العلف فى اوقات وتخلى القعود يمشى ويتطلق واخص الشعير المجروش تبدا بكميات قليله ثم تبدا بزيادة يوم بعد يوم وانصحك بمراجعه الطبيب البيطري قد يكون فيه شوكه اوهيام

السلام عليكم ورحمة الله وبركاته

بالنسبة لتسمين القعود عليك بالمكعب واسأل مجرب وأنا جربت ذلك أما الشوار مايسمن مثل مايسمن المكعب والشعير
والبعض قال لي المجروش يسمن أكثر وأكثر من المكعب لكن أنا ماجربته

أما الخبز أحذرك منه تعطيه الإبل وأيضا التمر لأنه يسبب تخمه للقعود ولكن أقصد لايكون بشكل كثير مثل ماتعطي الإبل الشورا أو غيره
لكن اذا عطيت ابلك بشكل تلقيم باليد يكون أفضل وأعني ذلك الخبز والتمر

دمت بخير

ارحب ياسعود


الله يبارك لك فيه




اما طعامه


اذا هو مربوط لحاله فعليك والله بالبرسم اسأل مجرب ولا تكثر عليه ولا تقلل لانه يغثه زيادته ونقصانه

ومافيه مانع لو تعطيه (( مسمّن )) تلقاه فالصيدليه البيطريه ولاتكثر ترا تعطيه على كبر الكفين فقط ..


اخوك .. فهد

مشكورين الله يعطيكم العافية ورايتكم بيضاء معي دوم