الناقة خاتمة

يالربع انا عندي ناقة عشراء واضربتها ذا الزمان ولا استشمل عليها البعير
وخرج منها دم بعد الضراب وجبت لي واحد من الربع وادخل عليها وقال الناقة خاتمة
وبعد كم يوم قام يخرج من حياها سائل خفيف ابيض بشكل مستمر وبكثرة يعني يصب صب
والحين لها 3 ايام على ذا الحال

ارجو ممن مرت عليه هذي الحاله او من له خبرة لايبخل علينا برايه والشكر للجميع

اتوقع ان ناقتك صادها التهاب في الرحم بعد الولادة مما ادى الى انسداده

والصديد اللي يظهر منها بكثرة دليل ان شاء الله على فتح الرحم

اما من البعير او من صاحبك اللي دخل عليها

انصحك باجراء غسيل لبطن الناقة من طبيب او شخص ذا خبرة

وموفق خير ان شاء الله

شكرا يا مبارك على المرور وبانتظار باقي الاخوان من هل الخبرة والاطباء ليستفيد الجميع

ارحب يا حمد

الحالة مرت علي قبل سنه
عندنا ناقة حصل معها نفس الشيء
أرسلناها لمستشفى الحساء
وأجروا لها عملية لفتح الرحم لأنها كانت خاتمه
وأنصحك بأنك لا تدخل عليها
أرسلها للمستشفى لأن عندهم جهاز مخصص لفتح الرحم
ولا تصدق أي دكتور يقولك أقدر أفتح رحمها
لأنه ما يقدر يفتحه أبد إلا عن طريق الجهاز اللي عند المستشفى

وسلامتك

انصحك باجراء غسيل لبطن الناقة من طبيب او شخص ذا خبرة

وهذا امر عادي وان شاء الله انها تلقح وتسر خاطرك

اخوي اذا الناقه سمين خف عليها وبتسلم بذن الله

الله لا يهينكم جميع على الردود والتفاعل مع الموضوع وكلامك يابو فيصل عين الصواب (شورك وهداية الله)

مثل ماقال الاخ فهد ترى مستشفى الحسا شغلهم جيد في نفس المواضيع ذي