أخوي عيد ولايهون الأخوان مشكلة في الفحل

السلام عليكم ورحمة الله
أسعد الله صباحكم.
بالأمس الفحل عندي طلعت في طرف الصرة ( السر) من الأمام ورم صغير لكنه مزعج للفحل عند البروك فهل هناك علاج له


وفقكم الله لمرضاته

السلام عليكم ورحمة الله وبركاته
اذا الورم في الزور او (البركه)
دور لك واحد عنده خبره في الوسم ياسمه
وتغانم بعيرك بسرع وقت
وبعدالوسم لازم انك تحماه
اخوك منصور
والعذر على الاطاله

السلام عليكم ورحمة الله وبركاته
أخوي سعود الله ايشافي بعيرك من اللي فيه
الورم اللي في بعيرك هذا اسمه (السرر )ويرد البعير من الضراب خص اذا التهب ماعاد يبرك
وعلاجه مختلف على حسب الحاله منهم من ايحلق عليه ومنهم اللي ايحط عرقاه عليه والشفا من الله سبحانه
لكن اللي أنا متأكد منه واحد من الربع جا بعيره سرر ويوم جاب الطبيب قور مكان الورم وكوى مكان الجرح وحماه ثلاث اشهور من الضراب وعقبها هده وايهذا وسط اماته مافيه الا العافيه والله ايشافي حلالك وحلال كل مسلم

اتوقع ان يكون هذا بداية السرر حيث سوف يفتح قريبا لاكن ان كنت
ودك تهد البعير مالك الا الوسم او يمكن استخدام بعض المسكنات مثل ابرة فينيل بوتازون
او اللجوء الى فتح مكان الورم وضخ الايودين واوكسجين فوار لحرق مكان السرر وذلك يتطلب تدخل طبيب بيطري