نخيتكم يالطيبين الناقه ديدها مورم

[color=#800080]بسم الله الرحمن الرحيم[/color


مساكم او صبحكم الله بالخيررر


يالربع ابي فزعتكم انا عندي ناقه شريتها غاليه وتسوى البل كلها

الناقه ملاقي والمشكله ان ديدها مورم رغم انها تسرح مع البل ولاهي مشبوكه

والورم مغطي على تحاليل الديد

تكفون ابي فزعتكم وهل الابر تضر الناقه بها الوقت والا اخليها لين تلد

واعطيها الابر ؟

وش افضل علاج لها ؟ سواء شعبي والا بيطري؟


وهل هو خباش ووش علاجه؟

اخي لي تجربة ناجحه والحمد لله
فيه ابر للديد تعطى داخله وهي انواع واعرف منها mastilex 5 ml
ثم ابرة 20 سم فى العضل اسمها strepcilin اواي نوع من البنسلين
وكريم للديد اجوده الفرنسي لايحضرني اسمه الان
كل هذا يوميا لمدة 5 ايام وانشاء الله تطيب

وباقي الاخوان مايقصروا

اخوي بدر انصحك ماتعبث فيها وعليك بالماء البارد رش على ديودها ومعلق الديود

اذا كانت صحة الناقة زينة ولا عليها اي اعراض مرض

فهو خبّاز (خباش) ودواه المشي فقط ربما ان المسافة اللي تمشيها بسيطة

يعني زود المسافة وحاول انك تسوقها لمسافة 5 كيلو لمدة يومين واذا كان خباز بيروح

مع الماء البارد والمشي

اخي الاخوان ماقصروا
وبعد كلام حبيب الجميع عيد المنصوري ليس لنا كلام

تقبلوا تحياتي

رد: نخيتكم يالطيبين الناقه ديدها مورم

بفضل الله جربناها بتجربة عابرة جبنا ثلج مجروش المكعبات وحطيناه في كيس مباشرة على الديد داخل الشمالة مدة يومين في الصبح كيس والعصر كيس مع المشي وعافاها الله

رد: نخيتكم يالطيبين الناقه ديدها مورم

اخوي اذا صحتها طيبـة عليك بس بالماء البارد جدا مع الفجر وان شاء الله ما عليها خلاف واذا ان شاء الله ولدت بيروح على طول .. الله يشفيها لك ويبارك لك فيها