عاجل جدا -- جزاكم الله خير

[align=center]يا اخوان عندي ناقة جاها ورم بخفها فجئة مع العلم ان مشيها طبيعي وفتشت خفها ولقيت فية شطب
مرفق لكم ثلاث صور تبين حالة الخف
نبي منكم الشور الطيب

وجزاكم الله عنا خير الجزاء [/align]

ارحب يامحمد
هل يمكن ان تفيدنا عن الجروح الواضحه بالصوره
هل هي كي سابق ام جروح
تقبل تحياتي

اخ عيد هلابك ومرحبااااا ويا عسي عمرك طويل والله يا اخوك الناقة توني شاريها من 10 ايام ومااعرف راعيها وقبل لا اشتريها فحصت الناقة وفتشتها وكل شي زين لكن بعد ماجات العزبة بـــ 3 ايام جاها الورم ومااعرف هل اللي فيها كي او جرح ........
وسلامتك انت والاخوان الكرام

هلا يبومطير ,

ان كانت الناقه محمله , فهذه من اثار التحميل ,وكلها كم يوم وتسلم باذن الله

وبالتوفيق انشاء الله

التميمي هلابك وغلاااا نعم الناقة محملة وتمت بالدنااااا اكثر من 7 ساعات ..............للين وصلت العزبة لكن ونا اخوك الغريب ان الورم جاها بعد تقريبا 4 ايام من نزولهاااا بالعزبة

اخوي محمد اذا حولها شبك شايك يمكن انه هو اللي مصوب رجلها واذا الجرح مالحق العصب فهذي سليمه انشاءالله بس يبيلك علاج للجرح وابواحمد بيفيدك في هذا الموضوع.

اخوي علي هلابك وغلاااا ونا اخوك انا فتشت الناقة لقيت ان خفهاا مشطوب مع الوسط والشطب خفيف وعن الشبك الشائك اعتقد ان راعيها الاول كان عندة شبك شائك لكن ماكان فيها شي ومسيرها عادي الورم جاها يوم جات عندي بالعزبة ونا ماعندي شبك شائك
وشكرا لك

هلا يامحمد
عطها من ابرة البل الا وهي ديكسافينيل ارثريتdexaphenylarthrite
مرتين وانشاء الله مايجيها باس

اخوي محمد اذا حولها شبك شايك يمكن انه هو اللي مصوب رجلها واذا الجرح مالحق العصب فهذي سليمه انشاءالله بس يبيلك علاج للجرح وابواحمد بيفيدك في هذا الموضوع.

مع أخوي علي
كن ضاربها سلك شايك

الاخوان الكـــــــــــــــــــــــــــــــــــــــــــــــ ـــــــرام لا هنتوا جميع وجزاكم الله خير يا غالين وماتشوفون شر انتو وحلالكم

ان كان الجرح عميق
خذ من شعفتها واعفسه مع قطران واحشه بالجرح
وطهر الجرح بالعسل بعد ذلك كل يوم
ويمكن استخدام البخاخ الازرق بعد ذلك
والله اعلم