وش الحل في الفحل الي بعده ماهج

السلام عليكم ورحمة الله وبركاته


وبعد ياربع عندي فحل ثني ماطاع يهج حتا هاذا الوقت فاكه في ابل ولا باله لهن قدله شهر ومن عنده خبره يفيدنا الله يجزاه خير ومرحبابكم

ارحب ياراشد
بعض الركاب قروه متأخر
لاكن بسألك العام متى كان وكت اهياجه

اربط البعير وسبحه العصر خله يرجف من الما واليوم الثاني سبحه وخله مبروط واليوم الثالث سبحه وهده ساعه واربطه وسبحه اليوم الرابع مع المغرب وهده وشوف الفرق بأذن الله

ارحب ياراشد
بعض الركاب قروه متأخر
لاكن بسألك العام متى كان وكت اهياجه

هلابك ومرحبابك اخوي راشد المري وعن العام ماهديته لنه جذع ويومه حوار كان اخر الصيف طايح

ويوم جذع انه صغير وخليته وهاذي السنه فاكه من شهر ولا باله للابل اخوي

اربط البعير وسبحه العصر خله يرجف من الما واليوم الثاني سبحه وخله مبروط واليوم الثالث سبحه وهده ساعه واربطه وسبحه اليوم الرابع مع المغرب وهده وشوف الفرق بأذن الله

بيض الله وجهك اخوي بخيت البريدي ومرحبابك وبذن الله برتب الفحل على ترتيبك والله يبارك فيك وسلمك ويبارك لك في حلالك

لو قدرت تربطه وتفك في البل قعود او فحل مقيد ولو وقت العصر وهو يشوف
اعتقد يتحرك
وفقك الله

لو قدرت تربطه وتفك في البل قعود او فحل مقيد ولو وقت العصر وهو يشوف
اعتقد يتحرك
وفقك الله

بيض الله وجهك اخوي حاتم ولا قصرت والله يبارك لك في حلالك ويسلمك وتسلم على الترتيب ورد

ياراشد

انصحك بان تربطه في الليل في شبك مع العشاير
- وتعطيه اي سلينيوم بودره مع الماء او مع الاكل او في لقام والجرعه مكتوبه على العلبه
- ان كان حصلك برسيم اخضر طري وليس ناشف (جت) عطه يوميا غداء منه
- حاول تعطيه شعير عشاء مع شوي نخاله ان حصل

اما مسئلة التسبيح اعتقد انها قد تسيء له اكثر من ان تنفعه لانه قد يصاب بنزلة برد وبالتالي لا انت استفدت منه وضريته

وتقبلوا تحياتي

نفس موضوع عمي عنده ثني مربنه يوم هو مفرود لا هاج ولا صار شئ معاه قام عمي وفك القيد وخلاه مع الابل ياكل ويمسي معهن ويسرح معهن من شهر 9 الى اليوم ولا صار شئ صار مثل باقي البوش ما تنكره من الناقة , و سوى معاه عمي المستحيل وما فيه فايدة لين اليوم .

اعتقد انه خصي .

اخى الكريم خل يشوف ابل غير ابلكم زدخله فيها وخله يشوف ابل مياسير وراح يهيج انشاءالله

بشرنا يابو سنيده شصار مع الفحل اربه هاج

ياراشد

انصحك بان تربطه في الليل في شبك مع العشاير
- وتعطيه اي سلينيوم بودره مع الماء او مع الاكل او في لقام والجرعه مكتوبه على العلبه
- ان كان حصلك برسيم اخضر طري وليس ناشف (جت) عطه يوميا غداء منه
- حاول تعطيه شعير عشاء مع شوي نخاله ان حصل

اما مسئلة التسبيح اعتقد انها قد تسيء له اكثر من ان تنفعه لانه قد يصاب بنزلة برد وبالتالي لا انت استفدت منه وضريته

وتقبلوا تحياتي

بيض الله وجهك اخوي ولا قصرت والله وتسلم طال عمرك على المعلومات وعلى الرد

نفس موضوع عمي عنده ثني مربنه يوم هو مفرود لا هاج ولا صار شئ معاه قام عمي وفك القيد وخلاه مع الابل ياكل ويمسي معهن ويسرح معهن من شهر 9 الى اليوم ولا صار شئ صار مثل باقي البوش ما تنكره من الناقة , و سوى معاه عمي المستحيل وما فيه فايدة لين اليوم .

اعتقد انه خصي .

اخوي زايد الوقت توه على الهجاج الفحول لاكن حنا مستعجلين ولا فينا صبر حتا تهج لحالها


ونسال اهل الخبره وهل العرف عن اذا فيه طريقه تخلي الفحل يهج بسرعه

والربع ماقصرو والله نصائحهم طيبه والله يكتب الي فيه خيره وخيره

وتسلم على الرد اخوي زايد

اخى الكريم خل يشوف ابل غير ابلكم زدخله فيها وخله يشوف ابل مياسير وراح يهيج انشاءالله

بيض الله وجهك اخوي ولا قصرت والله وتسلم طال عمرك على المعلومات وعلى الرد

بشرنا يابو سنيده شصار مع الفحل اربه هاج

ابشر اخوي الفحل مربوط وينسبح كل ليل وتحسن عن قبل تم يهادر ولا فكيته وباكر بفكه

وانت طال عمرك ماقصرت وربع بعد ماقصرو والله يكثر من امثالكم ويسلمكم