يا دكتور نبي العلاج

السلام عليكم
الله يسلمكم من كل شر
ياجماعه اليوم جيت ابشتري بكره لجيه

بس ياجماعه البكره يوم قامت
قومتها تقول رجولها مكسر
ثم طال عمركم مشت كن مافيها بلاء
سالت راعيها قال ابيعها لك لحم قصاب
وش رايكم ياجماعه المرض الي فيها الذيبه

او مرض ثاني

وهل لها علاج

انت يا اخوي سعود تقول ( يوم قامت قومتها تقول رجولها مكسر )
والذيبه اذا جت تبرك ترتتعد ارجلها وتحس انها راح تبرك بصعوبه
وحقيقه انا ما عرف ايش المشكله بالضبط لاكن لابد ان تتأكد من سلامتها قبل الشراء

تسلم ياولد عمي
لكن الناقة طيبه طيبة
وانا ابغامر واشتريها لان سعرها رخيص موب حقها
وكلامك صحيح الناقة لبركت ترجف ولقامت تقوم على يديها ثم تاخذ شوي يالله يالله تقوم على رجليها
ولمن سالت الرجال قال ماهي الذيبه ولكن مدري شنهو


وشرايكم

مرحبا ياغنيم

اللي فيها قلب عصب

والشراء رغبة خاصه لك انت تحكمها

مشكور يا العماري
بس لها علاج

هذا يا اخوي قلب عصب وان كانت مموب قدر حقه اشرها

اشتر يالحميداني
البكره مابها الا الخير هذي اثار التحميل
ان شريت علاجها بسيط

المشكلة وأنا أخوك لها أكثر من تشخيص

ولكن شوري عليك تاخذ معك من تثق برأيه وبنظرته ويشوف هي تصلح ولا لا.

في رأيي

ان راعيها ابخس بها واكيد ان فيها بلا ولا ماكان باعها بيعة قصاب

وقلب العصب يبين فقط عند المقام ولايبين في الممشى ولا له علاج

وسلامتك

شاكر الجميع على الرد

لكن كيف اكوي البكره ( فيها قلب عصب}

فاز باللذات من كان جسورا

انا اقول جيب لك بيطري خله يشوفها
واذا قالك علاجها 50 بالميه اكيد اخذها
وتوكل على الله