(( خلوني اقضي باقي العمر سايح ))

السلام عليكم ورحمة الله وبركاته ,, قصيده للشاعر الكبير / خلف هذال العتيبي , على ذوقي اتمنى تعجبكم ,



[poem=font="Simplified Arabic,5,#663300,bold,normal" bkcolor="0" bkimage="images/toolbox/backgrounds/27.gif" border="inset,4,#FFFFFF" type=2 line=0 align=center use=sp num="0,0"]
أخذت من روحي لروحي نصايح = ثلاث يرضن النفوس الضياقي



جمع الحطب ومعلقات الذبايح = وحذف النشاما للغتر والطواقي



بقفر خلا عشبه بالأزهار فايح = غصن الخزاما به بالآخر مراقي



تلقى أم سالم به تجر النوايح = يطيب مع طير الربيع التلاقي



بين أربعة جدران مانيب طايح = قطع الخرايم جبّرت عظم ساقي



في نون عيني بارق الوسم لايح = كن السحاب تسل فيها السناقي



إن عوّدوا غب المطر للفلايح = مانيب فلاح يعدّل سواقي



عوّدت للي يكسبن المدايح = فيهن طرب قلبي ولذة مذاقي



سود البكار المكرمات المنايح = هاذي ضوت خلفة والأخرى ملاقي



ملحا تباهت بالصميل يتمايح = تركي على كبد الحسود العراقي



خلوني اقضي باقي العمر سايح = مادام للعمر المطرّف بواقي



أمشي تحت غر المزون الروايح = هذا هواي ورغبتي واشتياقي



يرتاح بالي يوم أدوه وأصايح = وابسط فراشي في مبارك نياقي



أروح عن ناس تسوي الفضايح = عاشت بسوء أخلاق كذب ونفاقي



ناس تسرّد للمشاكل شرايح = تثير من بين الاخوان الشقاقي



كل الحياة احلام والعمر رايح = طرقي بها الدنيا وغيري طراقي[/poem]

بيض الله وجهك


لاهنت على هذه القصيده


ولا تستغرب هذه القصيده من ابو هذال

بيض الله وجهك


لاهنت على هذه القصيده

يرتاح بالي يوم أدوه وأصايح
وابسط فراشي في مبارك نياقي


صح لسان ابوهذال ولاهنت يانايف على النقل الطيب.

لاهنت يا نايف على نقل القصيدة وصح السان قايلها ولسانك

بيض الله وجهك


لاهنت على هذه القصيده

بيض الله وجهك على القصيده

وصح السان قايلها

بيض الله وجهك

تسلم يالتميمي

صح لسانك

ولاهنت

بيض الله وجهك