قصيده للشاعر عبدالهادي بن سهل المري رحمه الله في الابل

[align=center]قصيده للشاعر عبدالهادي بن سهل المري رحمه الله في الابل


يالله من قلب ٍ عرفت اختياره = وده مع البل مارقات النسانيس

الى تذكرت الرخا والحضاره = طرى على شوف البكار المعابيس

لاحد يقول ان مشترى البل خساره = البل ذهب ويساق فيها قراطيس

كم شيخ قوم ٍ تجذب البدو ناره = من دونها حامت عليه القرانيس

والبل مع الناموس فيها تجاره = وزود ٍ لقوة كاسبين النواميس

الطيبين اهل الوفا والنماره = زادو لها الاثمان وارخو لها الكيس

لا باس في الراحه وزين العماره = لاشك راعيها بقلبه هواجيس

مهونة ٍ له لا شكى حيف جاره = يصبح من الضيقه بقلبه حواسيس

والبل توسع له منازل دياره = وتبعد همومه مبعدات المراويس

لاشد راعيها عليها قشاره = تقطع به الفرجه بليا منافيس

ياخذبها في كل بر ٍ سفاره = يمشي بها في قافر ٍ مابعد ديس

عقب الحيا التالي تجدد خضاره = مافيه قبله كون جرة عواسيس

والناس كل ٍ عند ربه وقاره = ناس ٍ على خير ٍ وناس ٍ مفاليس

واستغفر الله عد هاتف امطاره = واستغفر الله واستعيذه من ابليس[/align]

عز الله انك كفيت وفيت بهذي القصيده

وبهذي المشاركه الممتازه

والله يرحم الشاعر عبدالهادي بن سهل المري

وبالتوفيق

عزالله انك جبتها مشاركه مميزه وصح لسان شاعرها الله يرحمه

بيض الله وجهك

ارحبو والله يعطيكم العافيه على المرور

لاهنت ياجار الله على القصيده الرائعه ,


والله يرحم الشاعر عبدالهادي بن سهل المري

--------------------------------------------------------------------------------

لاهنت على القصيده

والله يعطيك العافيه

لاهنت ياجار الله على القصيده الرائعه ,


والله يرحم الشاعر عبدالهادي بن سهل المري

لاحد يقول ان مشترى البل خساره = البل ذهب ويساق فيها قراطيس

كم شيخ قوم ٍ تجذب البدو ناره = من دونها حامت عليه القرانيس

الله الله الله على هالبيوت ما اندرها

حكم ودرر مسبوكه سبك الذهب

صح لسان قايلها ورحمة الله عليه

وسلمت يمين ناقلها وذوقه

( اشهد ان الاولين ما خلو للتالين شي ) مقولة شيباننا