استفسار

[align=center]بسم الله الرحمن الرحيم

السلام عليكم ورحمة الله وبركاته

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

استفسار عن شطر لخلف ابن هذال العتيبي< شاعر الوطن >

والردي يخاشر الابل في مصروفها

في القصيدة المشهورة في الابل اللي يقول فيها

ناقتي ما تدخل السوق لو زاد المزاد ...........لو هل الربطات جتني تشيل الوفها

لو يصبون الذهب صب وامهارن تقاد .......... ارخص الابل واختيار النفوس اشفوفها

مع خالص تحياتي[/align]

حياك الله ياعبدالعزيز العصيمي
وحسب علمي لايوجد الشطر هذا في قصيدة خلف هذال شاعر الوطن وللعلم هذا الشطر ضعيف وغير مناسب.

السلام عليكم ورحمة الله وبركاته

خلف يقول
يخاشر البنت في مصروفها
ماقال البل

مرحبابك ياعبدالعزيز ,


وهذي القصيده ,

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ساعة في جو خالي من أيام العياد=والفياض يعط ريح النفل بحروفها
والدلال مساطره خاثر فيها القناد=والقصص والسامريه تشيل صفوفها
ناقتي ما تدخل السوق لو زاد المزاد=لوهل الربطات جتني تشيل أولوفها
لو يصبون الذهب صب والمهار متقاد=ما أرخص الإبل واختيار النفوس شفوفها
يحسبون الأرض خصبة قبل زرع وحصاد=السنين تسل فوق الرقاب سيوفها
ماصفت للأنبياء والملوك وقوم عاد=كم قصور شيدت وارجمت بسفوقها
الأناسه والهوى والمحبة والوداد=طاعة الله والمراجل قضبت شعوفها
ونستي ملحا من البوش غاربها سناد=فاهق سنامها ناشبن بردوفها
بالخضيرا راسها كنها تطرد جراد=يخزي الشيطان يوم العيون تشوفها
والأذاني بالصناقر كما الشلف الحداد=افطس عرنونها ضافي غضروفها
ذيلها ابترخوش عذروب والعرقوب عاد=منشدت نداف قطن ايديها تحوفها
والعضود مشمره من مذكاها بعاد=يوم أحلى بباب عجلان بين كتوفها
كتفها عن وركها عشرة اشبار وكاد=والخفاف من الفحل والوصوف وصوفها
هضبة متحنطره دامس فيها السواد=قطعة من ليل تدفن يدك بدفوفها
ديرهٍ متنقلة من بلاد لبلاد=القِرى في درها والذرا من صوفها
زاد من غابوا مديدة ولاقي البيت زاد=عاطفة من عاطفة ما تخيب أضيوفها
هي معاش أجدادنا والعصب والاقتصاد=أهلنا قد حسنت في الحياة أظروفها
ينطحك ربحه عبسها مثل ريح الزباد=كن مسك القيصرية بعث من جوفها
تقهر الأعدا نهار المزايد والعناد=كضمت من غبنها وصفقت بكفوفها[/poem]