قصيده ابن عشيو

بسم الله الرحمن الرحيم



حياكم الله



هذي قصيده للمرحوم الشاعر نادر بن عشيو ال رشيد اليامي في الإبل حبيت أكتبها لكم .

يقول :


من يبغض الابل جعل رجله كساير **** ولا الحنش ليلة خميس نشلها

عــــــــند المداوي ماتسر الجباير **** تقطع ويجعل له كراع بدلهــــــا

ما تشهــــبـــــــه خلفاتها بالظهاير **** لا جا نهار الورد عركة نهلهـا

ولا فــدق عجومهـا والعشايــــــــر **** ولا فشوف لقاحها بمهملهـــــا

في عرفة كناس والصيــد ذايـــــر **** في عرفة راعي الغنم ما نزلها

ياما حلا لا جا من القفــر سايـــــر ****ثم قال سيل العرق خرب سهلها

ثم أصبحوا طفاح والعــج ثايــــــر **** الابل تقود ورد منها جملهـــــا

ثم أنتحوا ما لحقهم كل سايــــــــر **** بدو الا قفوا تقازى شعلهــــــا

راحوا مع مدهال سحم الغثايــــــر **** ما تنعرف غظانها من جملهـا

شتوا الين الصيف جا له حشايـــر **** ثم فرعوا وكل دار لاهلهــــــا

الابل تراها العز وهي السفايـــــــر **** وهي النواميس القديمه لأهلهـا

رعيانها اللي يطرحون العثايــــــر **** لي جا نهار الكون يرفا خملها

لما نزل راعي البلد في العمايـــــر **** ولا بحوش ريحته ما قبلهــــا

ننزل بخشم المندفن في الزبايـــــر **** ولا بحد عريقها من جبلهــــا

شبوبنا سمر لضوه عبايــــــــــــــر **** ولا بخالع يابس من عبلهــــا

صح لسان قايله

ولاهنت

رعيانها اللي يطرحون العثايــــــر **** لي جا نهار الكون يرفا خملها

لما نزل راعي البلد في العمايـــــر **** ولا بحوش ريحته ما قبلهــــا
الله يرحم الشاعر ابن عشيو
والله لا يهينك ياعبيد على الطرح الطيب

لاهنتوا يالربع على المرور الرائع

صح لسان قايلها ولسانك

وبيض الله وجهك

لاهنت مشكور.....

بيض الله وجهك ياعبيد على نقل قصيدة بن عشيو في هذا المنتدى الرائع

والله يرحم الشاعر ويسكنه الجنه قصايده لها طابع خاص

ننزل بخشم المندفن في الزبايـــــر **** ولا بحد عريقها من جبلهــــا

شبوبنا سمر لضوه عبايــــــــــــــر **** ولا بخالع يابس من عبلهــــا

الله يرحم الشاعر ابن عشيو

والله لايهينك ياعبيد على ذكر القصايد الجزله