دار الفلك .. فالابــل

[align=center]اخواني .. اخواتي


اهدي لكم هذه الابيات للشاعر // ناصر ابن لقرع الهاجري

من اقوى شعراء بني هاجر ومن اقوى الشعراء في وصف الابل والمرابيع



لن اطيل عليكم ..[/align]

[poet font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

دار الفلك وسهيل عقب الفجر بان=وعدو هل البل ناهيات المفاريد
واستاقو المظهور من كل مقطان=وصار الضحى كله هبوبه تباريد
تسابقو قفر المنادي على شان=يرجون وسميا" سحابه مراجيد
تصبرو خمسين ليله بحسبان=واثمر رجاهم من صدوق المواعيد
اقبل سواده تختلف منه الاذهان=دهم المزون اللي مطرها تراديد
سيله صدوق ويلحق السيل ودان=ويحوز من سيله بعض شرد الصيد
جرة كريم ربعت كل الاوطان=وكل ثنى للرب شكر وتحميد
وراحو عسوس القاع ذربين الايمان=فوق الجيوب مقربات المباعيد
تمثنو السبسب ومن فوق رزحان=فوق ام زور يسار ماضمه الحيد
تنصو الشيط ودار ابن رشدان= وتيامنو بالدرب من عقب تسنيد
ومرو على جو الصداوي مسيان=والفو على بعض الوجيه الاجاويد
يوم اصبحو عاذوه من كل شيطان=ساقو عليه وزبنوه المقاصيد
وداجو وراجو في صحاصح رميثان=ولا عن الرقعي وشعبه تصاديد
جاو الشعيب اللي من الخير مليان= زافات عشبه غاديا" له عناقيد
ثم لزموه الدرب يمة رمادان= يوم انكفو جابو علوم التساعيد
وكل عقد رايه مع وقت الاذان= وقاد الحلال وقربو نازح البيد
ماطاوعو شور المزورب وكسلان= ساقو يبون فياض عشب مجاديد
كنها لياقادت دخاخين نيران=ولا البواخر بين صادر وتوريد
قم يافهد** واحسب احسابك من الان=البل تبي مثلك صبور على الكيد
صوت لها واطلق عن القيد خشبان= لاتربطه ماهوب يستاهل القيد
شوفه يباريها ويبراه قطعان= يزود في الروح القصيره تماديد
يبرى لسود نوعها غال الاثمان=كنها خراج موثقين البواريد
سود البكار اللي فحلها هديان= علط الرقاب جلال عظم ومسانيد
ومرق الغوارب ضافية وجه وذهان=واطيمس عرضة عيون المقاريد
من ساق فيها المال ماهوب خسران= نقاوة ماولفوها الرعاديد
تفرح قلوب اللي على الصدق صدقان=وتكوي قلوب اهل القلوب المغاديد
وتطلق لسان اللي على المدح ماخان= وتربط لسان مدورين المناقيد
بعض البشر ينقد وهو فيه نقصان= ومشقيا" نفسه مع زيد وعبيد
يلوي حنوكه يشتم فلان وفلان= ويرفع جنابه بالحكي والهرابيد
هذا وانا مالي مع هل الردى شان=غرامي اللي تفعل الطيب وتزيد
كرمان في عسر الليالي وظفران= في حزة" فيها التفاهم تهاديد
قلته وانا طالبك يالله غفران= رحمة كريم مالفضله تعاديد
لاجاء نهار بين داين وديان= يشيب منه الرضع اللي على الديد
تجعل لنا في دار الابرار مسكان= ويشفع لنا اللي مرسلا للبشر سيد

وسلامتكـــــــــــم

[/poet]

[align=center]الشاعر // ناصر بن لقرع ال زايد الهاجري


اتمنى تحوز على رضاكم

** المقصود بــ فهد (( فهد بن صلبوخ ))





تحياتي للجميع[/align]

مرحباً تراحيب المطر والسيل يافهد




بيض الله وجهك على هذا النقل الفريد




وصح لسان قائلها حقاً من عيون الشعر



تحياتي لك

ارحب ياخالد

ووجهك ابيض ولاعدمتك


اخوك

ارحب يابوعمر



ووجهك ابيض ولاهنت نفداااك



اخوك

فهد بن صلبوخ
بيض الله وجهك
قصيدة رائعه
واختيار موفق

الله يحفظك ومشكر وتقبل تحياتى

ارحب يافيصل


ووجهك ابيض ولا خلا ولا عدم


اخوك

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=0 line=350% align=center use=ex length=0 char="" num="0,black" filter=""]
كنهـا لياقـادت دخاخيـن نيـران =ولا البواخر بيـن صـادر وتوريـد
قم يافهد واحسب احسابك من الان=البل تبي مثلك صبور علـى الكيـد
صوت لها واطلق عن القيد خشبـان=لاتربطـه ماهـوب يستاهـل القيـد
شوفـه يباريهـا ويبـراه قطـعـان=يزود في الـروح القصيـره تماديـد
يبرى لسود نوعهـا غـال الاثمـان=كنهـا خـراج موثقيـن البـواريـد
سود البكـار اللـي فحلهـا هديـان=علط الرقاب جلال عظـم ومسانيـد
ومرق الغوارب ضافية وجه وذهـان=واطيمس عرضة عيـون المقاريـد
من ساق فيها المال ماهوب خسـران=نـقـاوة ماولفـوهـا الـرعـاديـد
تفرح قلوب اللي على الصدق صدقان=وتكوي قلوب اهل القلـوب المغاديـد
وتطلق لسان اللي على المدح ماخان=وتربـط لسـان مدوريـن المناقيـد
[/poet]

[align=center]
الاخ فهد بن صلبوخ

بيض الله وجهك وجه ابن لقرع على النقل والقصيده

قصيده بيوتها ومعانيها قمه في الجزاله

لك كل تحيه وتقدير،،،،،،،،،،،،،،،،،[/align]

اررررررحب يابوهادي

ووجهك ابيض طال عمرك


ولا خلا ولا عدم


اخوك