قصيدة الشاعر الكبير / دسمان بن مناحي في وصف الشعل إبل الشيخ / فراج بن جفران

[align=center]بسم الله الرحمن الرحيم




قصيدة شاعرسبيع الكبير / دسمان بن مناحي في وصف الشعل إبل الشيخ / فراج بن جفران السبيعي




لا زاعت الشعل جنب عـن سناينهـا***ما أخبلك ياللي بتقهرها عن الراعـي

كن السرايـا جنبهـا يـوم أعاينهـا***تنزاع في ساقة الراعي إليا انزاعـي

مهيب وسط الهمـل تذكـر عواينهـا***دون الرويكب يمينه ذكرهـا شاعـي

عند ابن جفـران مرسيـة سفاينهـا***هزع عراقيبهـا ونحورهـا وساعـي

يمشي بها بالفـلا مـا هـو بهاينهـا***وإلها بالأقفـار مصيـاف ومرباعـي

اعـداه مـن همهـا تكثـر غباينهـا***تزعل وتفرح وتبري كـل الأوجاعـي

من شعلة الشمس تطري لي بطاينهـا***شمس الضحى شاركتها لون وإشعاعي

اعراضـن خدودهـا ربـي مزينهـا***سندا مقاديمهـا والـروس شلاعـي

إن طبت السوق يـا مكثـر زباينهـا***وإن طبت البر تشعف كـل مولاعـي

وإن جاء نهار المراء تسبق قراينهـا***تاخذ وراء الباع باع وشبر وذراعـي

تبحث خفا النـاس وتبيـن خزاينهـا***ويصد عنها غليـل القلـب مرتاعـي

[/align]

صح السان الشاعر وتستاهل ابل الشيخ فراج
وبيض الله وجهك يا خالد

ووجهك ابيض

ولاهنت على الرد الطيب

~.~ صح لسان الشاعر وتستاهل ابل الشيخ فراج ~.~

~.~ بيض الله وجهك يا خالد ~.~

ووجهك ابيض

ولاهنت على الرد وكثر الله من امثالك