[frame="9 80"]
]الأعزاء
اجمل تحيه ود ووفاء لكم جميعا..
...اتمنى ان تنال هذه الأبيات اعجابكم.....
.
.
.
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عسى غر المزون اللي نشت ثم جالها ربان= على نجد العذيه تنتثر ويلوح بارقها
يشق القاع ماطرها ويروي وبلها الوديان=وعلى روس الجبال تسوق وتغطي شواهقها
ثمان ايام والبراق يبرق والمطر ودان=وروس المزن ضافيتن على نجد ومناطقها
ابيها تكتسي بالعشب وتربع بها البدوان=وأبي راع الجهام يجيبها للنبت سايقها
مجاهيمًٍَِِآ لياقامت تدافع كنها الضلعان=عريضات الخدود اللي طويلن حد عاتقها
وسنامن منفهق لخلاف من ردم الشحم مليان=واذانيها كما حربة شجيعآ قام يذلقها
سنادآ من وبرها ينسجون البيت ابو عمدان=طويلات الغوارب شامخهَ سبحان خالقها
مجاهيمن حموها حرب في حد الحدب شامان=على رد العدا دايم جموع الخيل نصفقها
صواريم الحرار اللي على دوس الوغى شجعان=رعت نبت الخطر في ضفهم محد(ن) يضايقها
تمرجح في مراتع نجد وإن طمعوا بها العدوان=صناديد النشاما دونها تفهق بنادقها
ندلهها ونرعاها وترخص دونها الدمان= ليا جت سربة الطمعان راكزتن بيارقها
يشوق العين شوفتها لياصكت على الحيران=بروض(ن) مخضرآ ترعى وتقطف من زمالقها
انا شفي طرب راسي ليافج الدجى فجران=ادق الجيب سلف لديرتن من صغر عاشقها
لياجيت بشعيبن سايلن تطرخ به الغدران=بواكير الوسامي فوق قاعه هل دافقها
اشب النار واشعمها وصف بجالها الرسلان=نحيفات الوسوط اللي سنى النيران محرقها
ابمشي في فيافي نجد واقطع نازح الخليان=وأزهب بندقي لاجيت برض الصيد وافهقها
ابستقطع له الجره ولا شفت ابرق الجنحان=امد اللي ندبها لو تطير بعيد يلحقها
وأبى اخاوي هل الطولات واترك خوة الرديان=قصيرين الشبور نشوم عنها مانصادقها
وأبى اغني وأجر الصوت وأنظم فاخر القيفان=أبسبح مابدالي من بحور الشعر واطرقها
فعول الطيب والمقناص وطاعة ربنا الرحمن=هوى نفسن أدلها عن همومن تزارقها
[/poet].
.
.[/frame]
]الأعزاء
اجمل تحيه ود ووفاء لكم جميعا..
...اتمنى ان تنال هذه الأبيات اعجابكم.....
.
.
.
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عسى غر المزون اللي نشت ثم جالها ربان= على نجد العذيه تنتثر ويلوح بارقها
يشق القاع ماطرها ويروي وبلها الوديان=وعلى روس الجبال تسوق وتغطي شواهقها
ثمان ايام والبراق يبرق والمطر ودان=وروس المزن ضافيتن على نجد ومناطقها
ابيها تكتسي بالعشب وتربع بها البدوان=وأبي راع الجهام يجيبها للنبت سايقها
مجاهيمًٍَِِآ لياقامت تدافع كنها الضلعان=عريضات الخدود اللي طويلن حد عاتقها
وسنامن منفهق لخلاف من ردم الشحم مليان=واذانيها كما حربة شجيعآ قام يذلقها
سنادآ من وبرها ينسجون البيت ابو عمدان=طويلات الغوارب شامخهَ سبحان خالقها
مجاهيمن حموها حرب في حد الحدب شامان=على رد العدا دايم جموع الخيل نصفقها
صواريم الحرار اللي على دوس الوغى شجعان=رعت نبت الخطر في ضفهم محد(ن) يضايقها
تمرجح في مراتع نجد وإن طمعوا بها العدوان=صناديد النشاما دونها تفهق بنادقها
ندلهها ونرعاها وترخص دونها الدمان= ليا جت سربة الطمعان راكزتن بيارقها
يشوق العين شوفتها لياصكت على الحيران=بروض(ن) مخضرآ ترعى وتقطف من زمالقها
انا شفي طرب راسي ليافج الدجى فجران=ادق الجيب سلف لديرتن من صغر عاشقها
لياجيت بشعيبن سايلن تطرخ به الغدران=بواكير الوسامي فوق قاعه هل دافقها
اشب النار واشعمها وصف بجالها الرسلان=نحيفات الوسوط اللي سنى النيران محرقها
ابمشي في فيافي نجد واقطع نازح الخليان=وأزهب بندقي لاجيت برض الصيد وافهقها
ابستقطع له الجره ولا شفت ابرق الجنحان=امد اللي ندبها لو تطير بعيد يلحقها
وأبى اخاوي هل الطولات واترك خوة الرديان=قصيرين الشبور نشوم عنها مانصادقها
وأبى اغني وأجر الصوت وأنظم فاخر القيفان=أبسبح مابدالي من بحور الشعر واطرقها
فعول الطيب والمقناص وطاعة ربنا الرحمن=هوى نفسن أدلها عن همومن تزارقها
[/poet].
.
.[/frame]
تعليق