السلام عليكم ورحمة الله وبركاته
هذه قصيدة للشاعر: تركي الميزاني
في الامير عبدالعزيز بن تركي بن سعود الكبير
عسى السحاب المثقلات المحاميل
اللي نشت بين الصلاتين قبله
اللي نشت بين الصلاتين قبله
بامر اللذي نزل بالانفال جبريل
مهايهن لو ينهمر غيث وبله
مهايهن لو ينهمر غيث وبله
ياخذ ثلاث شهور سيل باثر سيل
سيل ماجاء بعده ولاصار قبله
سيل ماجاء بعده ولاصار قبله
على العبل والعرق وأدنا ظراميل
حتى تضيق بسيلها كل عبله
حتى تضيق بسيلها كل عبله
وليا انفهق سيله وشمسه لها ميل
قامت تراقص كل نفله وربله
قامت تراقص كل نفله وربله
مرب ذودن ماعليها مداخيل
ذود الامير اللي هوا الطيب شبله
ذود الامير اللي هوا الطيب شبله
ذودن ماطبت وسط سوق الجماميل
ولاشد فيها راعي الونش حبله
ولاشد فيها راعي الونش حبله
سود البكار اللي مثل داجي الليل
اللي تعيف راعي الابل ف ابله
اللي تعيف راعي الابل ف ابله
في وصفها كلن يحط المعاديل
وراعي النظر يحتار فيها ويبله
وراعي النظر يحتار فيها ويبله
لاصاح راعيها وجر الهوابيل
قامت تموح أشناقها وتعصبله
قامت تموح أشناقها وتعصبله
وليا عطتك أنحورها انا مقابيل
فالارض خبط خفوفها فص طبله
فالارض خبط خفوفها فص طبله
مكرمه ماتشكي النقص والميل
مرخي عليها غيث الاكرام شبله
مرخي عليها غيث الاكرام شبله
يتبع هواها في خيار المداهيل
وترعى الحيا من طيب راسه ونبله
وترعى الحيا من طيب راسه ونبله
في ضف من عاشوا في ضفه رياجيل
اللي عشقها عشق عنتر ل عبله
اللي عشقها عشق عنتر ل عبله
سلايل أهل السيف والجيش والخيل
قرمن علوم المرجله تنتسبله
قرمن علوم المرجله تنتسبله
عبدالعزيز الفيصلي موفي الكيل
اللي نعاتيت الرجال تحسبله
اللي نعاتيت الرجال تحسبله
تعليق