اجمل ما سمعت في وصف الابل

السلام عليكم

أنا شف بالي شوف وضحاً تتل الـذود طفـوحٍ نظرهـا والمغاتيـر تتلاهـا
ليا روّحت وألاّ مع الصبح يوم تقـود تبـي عشبـةٍ متعهّدتهـا بمفـلاهـا
ورى قعدةٍ سودا تتل الحبـال السـود من الولف خطـرٍ بالقوائـم توطاهـا
لها برثعة خشمٍ خنف والسبال بـزود ولها سيف لحيٍ زايدٍ عـن حلاياهـا
توارد ملامحها سهيفٍ عريض خـدود تفوق الوصوف وملح ربي تغرشاهـا
عليها انتلاله جـل خلاّقهـا المعبـود ياسبحان ربٍ بأحسن الوصف سواها
كبيرة مقاشر راس ودقاقـة العنقـود ترافـع مقادمهـا تهـازع مقفاهـا
وروس الأذاني للأباهر تقـول سـدود وطول ارقبتها ميـزةٍ مـن مزاياهـا
وسيعة نحر ماودك يشوفها المقـرود ولاشافهـا راع النظـر ماتعـدّاهـا
شديد الوضاح مدعّجه زينها مشهـود تزيد الشريطيه علـى ريـح طرياهـا
دواير وبرها في محيط السنام عقـود عقودٍ من اللولو على الجنب محلاهـا
سنادٍ من الغارب على غاية المقصود شناحٍ تموح الأرض مع زين ممشاها
قصيرة فقاره عمرها من اللحم مجرود تحلف إنها حائل وهي فـأول لقاهـا
طويلٍ عريضٍ جنبها مشيهـا بسنـود عريضٍ قصيرٍ ذيلهـا ويـن تلقاهـا
تفاهق سنامٍ فوق حجبانهـا مشـدود عراقيبها عقـلاء تصاغـر بماطاهـا
عليها الحلق من بينهن مطرقٍ ممدود ولاعمرها رِدت على غيـر مشهاهـا
ولدها ورى المليون يشرا وهو مفرود وأبوهـا دفن فقر الأجاويـد وأغنـاهـا




الشاعر الكبير / دسمان بن مناحي السبيعي

صح السان الشاعر دسمان
ولاهنت يا فلاح

لاتدمت مرور طيب يالشيخ راشد

صح لسان قايلها

ولاهنت يافلاح على نقلها لنا

لاندمت وشرفنا مرورك الطيب

صح لسان شاعر القبيلتين والله لايهينك على النقل

يهلا ملايين يامناحي

فلاح سلمت يمناك على النقل الراائع
صح السان الشاعر دسمان

صح اللسان شاعر القبيلتين-دسمان بن مناحي السبيعي على القصيده الجزله

واسلمت ايدين ناقله

فلاح سلمت يمناك على النقل الراائع
صح السان الشاعر دسمان

الله يسلمك يامسم اسعدني مرورك

صح اللسان شاعر القبيلتين-دسمان بن مناحي السبيعي على القصيده الجزله

واسلمت ايدين ناقله

الله يسلمك اسعدني تواصلك

ولدها ورى المليون يشرا وهو مفرود . . . . . .

. . . . . . وأبوهـا دفن فقر الأجاويـد وأغنـاهـا


صح لساااان الشااعر الكبير دسمان بن مناحي على هذه الرائعه

ولاهنت اخوي على الاختيار الموفق والعرض المميز

قصيدة في قمة الروعه والجمال ...... تحيتي لك

تسلم يافلاح على النقل وصح لسان الشاعر