بعيد عن صخب المدن والسياحه ( إهدائي لصاحب هالصوره )

السلام عليكم ورحمة الله وبركاته



أكيد ان هالصوره مرت على بعضكم في ساحة عرض المغاتير بتوقيع الزميل العزيز سلطان المطيري

فالقصه وما فيها اني دخلت على الموضوع اللي ناشره اخوي سلطان وكاتب هالنبذه عنه مرفقه بالصوره

(يقضي سعادة الاستاذ محمد المطيري مدير بنك الاستثمار ( فرع الخرج ) اجازته مع ابله في الصمان
بعيدا عن صخب المدينه والسياحه الخارجيه )

ففاضت القريحه مباشره واكتملت هذه المشاركه من الوهله الاولى في رجل يستحقها إن شاء الله رغم اني لا اعرفه

فقليل امثاله في هذا الفعل المثير والتواضع الجم فجميعنا يعرف فساد الكراسي والمناصب المرموقه عن بعض المثقفين

او مدعيي التثقف بالأصح إللا من رحم الله والاتقياء انقياء النفوس اصحاب المعادن الطيبه

إليكم هذه الأبيات الكيبورديه والمتواضعه

بعيد عن صخب المدن والسياحه ## سايح مع المقهور يسحب رحوله

مـــدير بنـك وراحـته واسـتراحه ## تبــعة هــوى ذوده هـواه وميـوله

خــلَى حسـاباته وخـلَى جنـاحه ## وارتــاح من مدخــول بنـك وعــمـوله

صمــان جــدانه لـقى فيـه راحه ## ما مثـلها فالكـون عرضـه وطـوله

ياطيـب راسـك يالمطـيري صراحه ## من صورتك كم واحدٍ يا ذهوله

تحـيةٍ عـطـره مسـاك وصبـاحه ## تستـاهـل الـعفـرا يابنــك الرجـوله



وسلامتكم

صغيره في كبير ولكن متواضعه في متواضع

فأرجو ان تكون قد نالت إعجابكم

فزادها مروركم عطراً

ولكم تحيتي

أخوكم ابو غازي

السلام عليكم ورحمة الله




ما شاء الله عليك يابو غازي


أشهد أنك جبتها قصيده بسيطه ولكن من نوع السهل الممتنع



صح لسانك ملايين



والمطيري يستاهل وأبيض وجه يخوووني التعبير عن ما أرى في الصوووره




معبره بمعنى الكلمه





قلها دايم السيف





كل رجل(ن) له بها الدنيا ميول === والهوايــه تمـــــــــــتلك رجالـها

صح لسانك وبيض الله وجهك

سبحان الله يسخر طيب لطيب

وان شاء الله انكمـ كلكمـ طيبين ذكر ... سلطان المطيري .. محمد المطيري .. ابو غازي

صح الله لسانك يابوغازي

قصيده جزله من جزل وصوره معبره وموضوع جميل

بيض الله وجيهكم جميع

لاهنت وبيض الله وجهك

عليكم السلام ورحمه الله وبركاته

صح الله لسانك وبيض الله وجهك يابو غازي على الابيات الطيبه في من يستحقها

وعزالله انها كافيه وافيه ويستاهل الممدوح هذه القصيده

الله يبض وجهك
شاعر صاحب ذوق عالي
سهل ممتنع
الله يبارك فيك

صح لسانك يابو غازي

يا مرحبا ويا مسهلا بالجميع

صحت ابدانكم ولا هنتو

وبيض الله وجيهكم على الإطراء و المجامله والترفيع

والاخ محمد المطيري يستاهل إن شاء الله اجزل من كذا بكثير

لكن الجود من الماجود

وأشكر تعطيركم لصفحتي والله لا يهينكم كلن بإسمه

صح الله لسانك وبيض الله وجهك على القصيدة والمشاعر الطيبة والصادقة يابن عجير والطيب ماهوبغريب على الطيبين أمثالك وامثال الأخوان اعضاء المنتدى.
تقبل مروري

بيض الله وجيهكم ولا هنتو اجمعين

غالين ومروركم غالي