(((( ارتعي يالوضح ))))

ارتعي يالوضح مع درب النصوبي ¤
في ذرا الدوله وفلي في احماها ¤
ندفع السرفات في قفر العشوبي ¤
دونها حدين والثالث وراها ¤
لين شالت نيها مثل الركوبي ¤
وستدار الها الهوا وخلف نواها ¤
وسندت طفح الغوارب للجنوبي ¤
سندت يوم ان علم الصيف جاها ¤
يوم هب الها ذعاذيع الهبوبي ¤
ماتروس لين تاصل منتهاها ¤
شفها حد الدكاك من الهضوبي ¤
ديرتن من سيلها محدن رعاها ¤
وهيه ياللي ماتعرفون الدروبي ¤
انشدو عن دربها و امشو وراها ¤
==========================
مقطع صوت
http://www.movn.net/greet-k-v-action-view-id-33717-code-1268519388.htm
كلمات الشاعر/ بجاد بن جريذي المقاطي العتيبي رحمه الله
عازف الربابه الشاعر /فرحان الظفيري

بيض وجهك يالاحق وصح لسان الشاعر

صح لسانك ملايين

وبيض الله وجهك

بيض الله وجهك يا لاحق
ورحم الله الشاعر

وهيه ياللي ماتعرفون الدروبي ¤
انشدو عن دربها و امشو وراها ¤

حلوى وصح لسانك

لاهنت يا ابو فهد على القصيده الطيبه

ماشاء الله تبارك الله
ولاهنت علي القصيده الطيبه

</B></I>