مطلوب قصيدة سودن غلاها

الله يسعد جميع اوقاتكم بكل خير

اخواني اللي يعرف القصيده كامله يزودنا بها الله لايهينه

منها هذا الشطر

سودن غلاها صاقطن بسراجيف.......... لاغبة عنها؟؟؟؟؟؟؟؟؟؟؟

السلام عليكم ورحمة الله وبركاته

مساء الخير

هلابك ياخوي مانع القصيده طال عمرك لشاعر عيدان الهوامله

[poem=font=",6,,normal,normal" bkcolor="transparent" bkimage="http://www.mzayan.com/vb/mwaextraedit2/backgrounds/196.gif" border="groove,4," type=0 line=0 align=center use=ex num="0,black""]

أخطت روابي نجد من الوسم والصيف=حتـى منابتهـا تغـيـر شجـرهـا
ياالله يا اللي تخرج التمر ما الليـف=يامجريٍ سفن الفلـك فـي بحرهـا
أنت اللطيف وفي يديـك التصاريـف=وأحوال كل الخلـق عنـدك خبرهـا
نسجد تحت عرشك ونرجيك ونخيـف=ونصلـي الغاثـه ونتلـي سورهـا
وندعيك بأسماك العزيـزه بتلطيـف=ونرفع أيدينا فـي سمـاك ونظرهـا
غثنـا بغيثـك يامغيـث الملاهيـف=من غيمهٍ تؤمـر وتجلـي عسرهـا
تمطر وعاد اسويبع الوسم ما شيـف=على أول الصرفه عسى الله ومرهـا
من مركز الخظراء الى مركز طريف=ومن الخليج الى سواحـل حمرهـا
يازينها لاما أكتسـت كلهـا ريـف=وقامت صحاريها تطـارد خضرهـا
جنوبهـا مدهـال سـودٍ مشاعيـف=ترعـي خببهـا لا تكبـر زهـرهـا
سودٍ كما وصف الهضاب المقانيـف=ما يوجـد الا شكلهـا فـي ديرهـا
سودٍ بعضها مـن بعضهـا بتكثيـف=ما فيه سـرٍ مـن بعيـد خشرهـا
سـودٍ حواليهـا تـدور السواليـف=هـذا شـرى منهـا وهـذا ذكرهـا
سودٍ غلاهـا صاقـطٍ بالسراجيـف=تسوي النفوس الغاليه مـن بشرهـا
وعذروبها انها باهظـات التكاليـف=ما كل مـن يبغـي شراهـا قدرهـا
وشمالها مدهـال وضـحٍ مواليـف=ترعى الفياض اللي تقـدم مطرهـا
وضحٍ كما وصف النصوب المراديف=سبحـان خالقهـا مزيـن صورهـا
وضحٍ المتون مكحـلات الأطاريـف=يخشى عليها مـن حسـودٍ نظرهـا
سند الغـوارب نـازلات المشاريـف=مال للظهيره موقـعٍ فـي ظهرهـا
كبار البراطـم قايمـات الغضاريـف=يهـد فيهـا كـل أصيـلٍ عمرهـا
وصفرٍ وشعـل تشتبـه بالوصيـف=والفرق فيهـا بينهـا مـن وبرهـا
عونٍ ولون والطبايع علـى الكيـف=فيها الطرب سبحـان ربٍ صخرهـا
لا قالـوا البـراق مـلأ الطفاطيـف=والماء لراعـي لولـه لا شهرهـا
ثم سمعت الراعي يجـر الغطاريـف=قامت تهبد رحلهـا مـن صطرهـا
وأقفت تروج تقول هجـنٍ مناكيـف=لا شوشت لحدٍ يجـي فـي نحرهـا
والبل تبي وصف دقيـقٍ وتصنيـف=ورجل يعد أوصافهـا مـا قصرهـا
والشعر ينقص لا غدا فيـه تحريـف=وليا أنكسر بيت القصيـده كسرهـا
مير أسمحوا لي كلكم يـا عواريـف=هذا الـذي مجهـود فكـري قدرهـا

[/poem]

صح لسان ابوراجس
ولاهنت يابوحمد
ولاهنت يامانع

لاهنت

صاح الله السان الشاعر
ولاهنت اخوي على العرض المميز

صح لسان الشاعر وبيض الله وجهك

الله , الله ,

لاهنت يامانع ولاهنت ياسعيد , وابوراجس كل قصيده يطرب , ودائماً مبدع ,

صــح لــســااااااااان الـشـاااااااااعر عيدان بن راجس

دائمآ مـبـدع ومـتـمـيـز في وصـف الابـل

ولاهنت اخوي على النقل المميز

ومــشــكــووووور

صــح لــســان الـشـاعر عيدان بن راجس

دائمآ مـبـدع ومـتـمـيـز في وصـف الابـل

ولاهنت اخوي على النقل المميز

صح لسان ابوراجس
ولاهنت يابوحمد
ولاهنت يامانع