قصة وقصيدة السبيعى والدوسرى

بســم الله الـرحمــن الرحيــم
السلام عليكــم ورحمـة الله وبركاتــة ،،

تجاور كل من عبيد الخييلى الدوسرى و دحيم بن عبد الله بن برمان العزيزي السبيعي وقد كانوا في ضواحي رماح ، واخذوا وقت طويل وهم جيران على حشمه وتقدير وبعد فتره قتل ولد عبيد الدوسرى ولد دحيم بن برمان من غير عمد بطريقة الخطأ ثم جاب الدوسرى ولده لأبن برمان وقال :هذا ولدي إذا اردت قتله اقتله ، وقال بن برمان : والله ماني مخلي مرة جاري تبكي مثل مرتي واعتقه لوجه الله ولا يستغرب الطيب من الطيبين وقال الخييلي الدوسرى هذه القصيده رد ثناء على جارهـ :-

ياراكـب هجـن مراديـم وسـمـان
........................................عيـرات الانضـا مايرقـع حفـاهـا

ياراكبين الهجـن نصوهـن اعمـان
....................................ومروا على رفحا وروحـوا وراهـا

في كل ديره جـددوا لابـن برمـان
.......................................قصر مـن البيضـا رفيعـن ابناهـا

ثم اجنبوا مـن عندكـم يـم نجـران
.......................................دار المذاكـر دوجـوا فـي اقراهـا

حطوا له البيضا علـى راس مابـان
........................................راع الفعـول اللـي طـرى نبـاهـا

ومروا على الخرمه وحطوا به اعلان
........................................اعلان بيضا كـل مـن جـا قراهـا

ونصوهن الحاير عسـى دربكـم زان
.........................................ديـرة سبيـع امتيهيـن اقصـراهـا

وابنوا بدار سبيع بيضـا لهـا شـان
.........................................مـن مـر ديرتهـم يشوقـه ابناهـا

يالله عسى ديرة دحيـم بـن برمـان
......................................لاجا سحاب الوسـم يسقـي جباهـا

اللي عطا جاره عطا مـا بعـد كـان
.....................................يبغي الجزاء من عند رافـع سماهـا

ماهيب لا غرس ولا ابل ولا ضـان
...........................................ولا عطـا دنيـا ايــدور جـزاهـا

يبغي العلوم الطيبه مثـل مـا كـان
..........................................قصيرتـه عطيـت ولدهـا وجاهـا

يافاعل الحسنـا جـزاك الله احسـان
........................................فعلت لك حسنـا علـى الله جزاهـا

ارجو ان تنال استحسان الجميع ....والسلام عليكــم ورحمـة الله وبركاتــة ،،

.. منقول للئمانة ..

وعليكم السلام ورحمة الله وبركااته

الله يرحم الميت ويرحم الحي

المووت حق ومقدرر لكل مخلوووق


وعز الله ان هذي الجيره الصدق


لاهنت يا أخووي خالد النفيعي على النقل

تقبل تحياتي

الله يرحم الميت ويغفر للحي
وبيض الله وجيهم على الفعول الغانمه
و اشهد بالله ان الخيره فالجيره
ولاهنت

بيض الله وجهك ولاهنت

شاكر مرورك الي اسعدني اخوي / خالد المجمعي لاهنت

شاكر مرورك اخوي / زيد الشريف ولا عدمتك

شاكر مرورك اخوي / فهد نافع الحربي لا هنت