خل (( خـــشــبـــان )) طلقً عن مصاريعه ..@@ .. لــ شاعر المعلقات ..!!

اعزائي ..
اخواني واخواتي ..

اقد لكم هذه الابيات للشاعر العملاق للشاعر الكبير

والبليغ بوصف الابل .. او كما يسمونه الشعراء بــ شاعر المعلقات

الشاعر // ناصر ابن لقرع ال زايد الهاجري

واتمنى ان تحوز على رضاكم ..

صلو على النبي :

[poet font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يافهد** خاطري كثرت مواضيعه=بين حارس ودوريات وايداري

مل قلب" تداوج به مشاريعه=سلعة حدها البياع للشاري

هم قلبي بقلبي حط له شيعه=عقب ماهو خوي الجنب ومباري

بس احسب الدهر عامه واسابيعه=واتجلد ويطري لي مية طاري

يافهد دارنا حلت مرابيعه=والرعد دن والبراق سماري

عز واليك برق كن تناويعه=سيف عدم شهر به فوق ويثاري

هل وبله وسيله فيض القيعه=شق روس العدام وخرب الفاري

كل جال يحزن به مهاييعه=إيتصبا بشوف امواجه الهاري

الله اكبر نباته كن تناويعه=زل ولا ورود حوضها جاري

يوم هب الهبوب اقعد مهانيعه=فاح ريح الخزامى مسك وزهاري

يافهد ذودنا تبغي مناجيعه=شد حيلك تراي لفزعتك ضاري

لا تمنى لماجلان من ضيعه=دربنا خل ماجلانه افكاري

عندك العفش تحميله وتوزيعه=والهدف منزلا" يصعب على الزاري

انزلو في نباه زاميا ريعه=شب نارا" سناها يجذب الساري

وامزع الطرش صبح وقم بتسنيعه=شدتك شدة" يعوي بها الضاري

خل خشبان طلق عن مصاريعه=ابتهج حين اشوفه طلق واماري

مثل خاطي عقيد في مطاميعه=ماخذ" عقبته من فعله الناري

الحجاب اتسى واسند مفاريعه=غاربه مثل سوم زمه الذاري

والسنام انفهق واظهر منافيعه=مثل رجما يربه كل سنجاري

شامخا" فوق قوسك حول اكاويعه=واستجلت عظامه والنحر فاري

انتزح راس خشمه من مداميعه=خشته تقل جذع قصه الباري

سيف لحيه عدل وشدوقه مريعه=كل ما فر راسه مالت اجباري

والاذاني احراب في ترابيعه=وانفرش خده اللي مقدمه ساري

ابعدت به ارقبته عن كراسيعه=عظمها زين لاجبرا" ولا عاري

وافجح لادبرته كن تقاطيعه=الله اكبر تقل سواه معماري

اسود مثل ابوه ابدا" مراميعه=منحني ضلع واطول جنب ووباري

ساسه اصلي اهديان منابيعه=خبر اللي جهل لا تخبر الداري

اشهد انه الفحل شكله واطابيعه=يوم بعض الفحول اضراب واتجاري

يافهد حالفا لي دين ما بيعه=كون لا قدر الله يجري الجاري

الزمن يخلف الرجال ويطيعه=مايســـره تجلاد وتصباري

كم شجاع يعاني من مواجيعه=ماقوى ضربته والمنقل اخطاري

ذا كلامي بتطبيعه وتوقيعه=هيض صدري وهذا موجز اخباري

واذكر الله ليا خابو مقاليعه=عد ما يكتب الكتاب للقاري
ناصر بن لقرع
[/poet]


*** ملاحظه : فهد المذكور فالقصيده فهو الموقع ادناه
واما عن الفحل خشبان فهو الموجود في توقيعي ..!!



تقبلو ازكى تحيات اخوكم .. فهد بن صلبوخ

أررررحب أخوي فهد
وتسلم يمينك على هذه القصيدة الرائعه
وصح لسان شاعرها

دمن سالماً

سبحان الله وبحمده , سبحان الله العظيم

صح لسان الشاعر الجزل ناصر

قصيده جزله بكل المقاييس ولاهي بغريبه على ناصر فهو شاعر متمكن يطوع الحرف على كيفه ( ماشاء الله عليه )

وعزالله انه سنّد على ذيب .


مغليك / ابو برّاك

صح الله اللسان ناصر

وسلمت يد اللي نقلها

جزل يابن صلبوخ ولا تجيب غير الجزل

مل قلـب" تـداوج بـه مشاريعـه سلعـة حدهـا البيـاع للـشـاري


انزلـو فـي نبـاه زاميـا ريـعـه شب نارا" سناها يجـذب السـاري

فهد بن صلبوخ
أرررررررررررررحب
ولاهنت
جعلني مبكيك
سلمت يمينك
وصح لسان الشاعر
بيض الله وجهك
لا تحرمنا مما لديك
تقبل تحيات أخوك
محمد بن جاري

[align=center]أررررررررررررررحب أررررررررررررررحب يابوحمد

دائما متألق في الانتقاء والنقل

صح لسان ابن لقرع وعزالله انه شاعر علم ومافيه كلام [/align][poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ساسـه اصلـي اهديـان منابيعـه
خبر اللي جهل لا تخبـر الـداري

اشهد انه الفحـل شكلـه واطابيعـه
يوم بعض الفحول اضراب واتجاري

يافهد حالفـا لـي ديـن مـا بيعـه
كون لا قـدر الله يجـري الجـاري
[/poet]

[align=center]ارحب يابوحمد تراحيب المطر

صح لسان الشاعر الهرم ناصر بن لقرع على هالقصيده التي استمتعت بقرائتها أكثر من مره وأعجبت بها من أولها الى اخرها

وسلمت يمينك يابوحمد على هالإختيار الجزل

والله لايهينك

تقبل تحيتي

أخوك[/align]

صح لسان الشاعر الهرم ناصر بن لقرع على هالقصيده
وسلمت يمينك يابوحمد على هالإختيار الجزل

أرررحب يافهد



حيه وحي علمه إللي جابه



صح لسان شاعرها ولاهنتعلى إيرادها



تحياتي لك

أررررحب يا ابو حمد

وتسلم يمينك على هذه القصيدة الرائعه

وصح لسان شاعرها

تحيااااااااتي

أخوك

فهد ما أعجبني من الفحول المجاهيم اللي خشبان

ارحب يابوحمد
تسلم يمينك على هذه الرائعه
وصح لسان الشاعر الجزل ناصر بن لقرع

تقبل تحياتي

صح لسان الشاعر
وأنا أشهد أنه سنّد على ذيب
ولا هنت على نقلها لنا

فهد ما أعجبني من الفحول المجاهيم اللي خشبان

مادام كامل يقول ماأعجبه الا خشبان ، فأكيد أنه مايحتاج
فلو تعرض لنا موضوع عنه
الله لا يهينك