الوضح لن طعت شوري ما أنت وياها ..!!

بعد السلام والتحيه والاحترام
بويتات من باب مداعبة أحد أصحاب المجاهيم ..!!
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الوضح لن طعت شوري مأنت وياها = سود المجاهيم ماتقدر تنافسها
ليتك بعينك تشوف الصبح ممشاها = من شان شرهتك والراية تنكسها
لازرفلت كنها في حذفت إخطاها = عسكر نظامٍ تدرب في مدارسها
لاقام راع الذلول إعصير يشعاها = وهوايته من سطر راسه يمارسها
وإليا زهمها وعط الصوت بأسماها = زود السطر والظفر والجن يلبسها
طاشت تبا الصيف والشاصات تبراها = ولو تبعد الدار ما ينقص تحمسها
تسعين كيلو ليا طاشت تعداها = الله من عيون بعض الخلق تحرسها
وانت المجاهيم ما غيرت مفلاها = مدري على ويش يومنك مجلسها
وسط المراغه دخيلك لاتولاها = انشهدن المراغه ما تونسها
ظلمتها كيف ما تمشي بمشهاها = شوف الدهر كيف يومنه ميبسها
القوم بالصيف قد زانت رعاياها = وأنته بموترك للمجهم تعسسها
يا تل كبدك على الديره من اقصاها = وبكره علوم الطراقي زود تحمسها
بعض الرياجيل يامقشر مطاياها = لو كان نفسه على الناموس مسسها
أذوادهم من قشر حتى حلاياها = ودك على الشاكله بالرجل ترفسها
[/poem]

تحياتى

صح لسانك والابل كلاها واحد لاكن عند اهلها تفرق واعجبني هالبويتات

لاقام راع الذلول إعصيـر يشعاهـا

وهوايته من سطر راسه يمارسهـا

صح لسانك , ولا هنت على القصيده الرائعه

ثامر
كلهن عطايا الله
مانقول بهن شي
ولكن يحق للشاعر مالا يحق لغيره
ولا ضنتى ان المجاهيم راح تتعدا الوضح
تحياتى

عبدالله
صح كلك
ومنور
لاهنت
ولك الود

صح لسانك وهذي هديه لك بيوت من قصيده الشاعر علي بن بلال في البل من قصيدته الملحمه

وارجع إلى واجب طويـلات الرقـاب المجهـم اللـي لونهـا لـون الغـراب
مصنقـرات وكـن اذانيهـا حــراب فنس الخشـوم أقصـى هـو بِدْوَانَهـا
كنْها تمثّل هضـب نجـد مـن بعيـد هْـيَ الخيـار ولا تحـطَ لهـا نديـد
يـا مستمـع قولـي علـيّ الله شهيـد هـذي شهـادة مـا نبـي كتمانـهـا
شهـادة تومـن بهـا سـبـع الأراض واهل السواليف الطويـلات العـراض
ما احقر المغتـر وواضحـة البيـاض فـي نـوّهـا واخلوقـهـا واثمانـهـا
ودوّه ونـووَه واجمـع البـلْ كلـهـا والسـود فيهـا كلنـا نفـطـن لـهـا
مثـل البيـوت الليـل يظلـل ظلـهـا الـلـي ذراهــا وافــي وكْنانـهـا
ما هي تربّع في مضيـق ولا شعيـب ابشر بعون ولـون وابشـر بالحليـب
وعن غيرها تحتـل حيضـان القليـب وكـل الـعـدو الراسـيـة عِدّانـهـا
أحـبْ مدهـال لهـا رُبـع الجنـوب ل.. أقبل شتاها وصلته من كل صـوب
مـا حبتـه موجـة تحبـه بالقـلـوب محـبـة مــا ينمـحـي وجدانـهـا
جنوب من " رُغوة " شمال " السبعتين " غربي "حفيت" ونصف شرق "الثلمتيـن"
رُبـعٍ بعيـد عـن المدايـن والقطيـن ما سرحـت فيـه الشـواوي ضانهـا

ياسلام يا محمد
الله يلوم من يلومه بحب الابل
ولكن عندى الوضح مالها منافس
وكل نفس وما تشهي يالقرم
صح لسان الشاعر وسلم كف الناقل
تحياتى

مرحبابك يا ابن حميد

من طول الغيبات جاب الغنايم

والله يلوم اللي يلومك يالذيب في حب المغاتير

واقول مافيك حيله يالقرم شاعر من بيت شعار

واضيف هذي القصيده اعجبتني والبيت المطلوب فيها بلون مغاير


ودي بمرقا الرجم برض(ن) زراجـي
في ديرت(ن) فيها لوايح مـن النـوق
والجو صافي مـا صفقبـه عجاجـي
والوسـم جايلـه تخافيـق وبــروق
لاجـاء لبـراق السحـاب اللتعاجـي
وحدر على الصمان والصلب وعـروق
سيله يشيـل اغثـاه فـوق النواجـي
واخضر وجوك مشفح البدو من فـوق
ودي مع اولهـم بشقـح(ن) رواجـي
هزعا لها خرطوم يزها لهـا الطـوق
ما هيب مدبحت(ن) هديف(ن) سراجي
سنامهـا كنـه عـن المتـن مفهـوق
تطـرب ليـا سمعـت وداه ولجاجـي
ماهيب ملح(ن) تمرض القلب بالسـوق
من رجلهـا الصـدام فيـه انعواجـي
وعبيسها عليـه مـن قـدم ملصـوق
وليا حصلي سجه وربـع(ن) هجاجـي
من برقا ون نحـوا عنـك مـن روق
اللـي سوالفهـم مـاهـي بتنـاجـي
اهل وفـا مـال القفـا عندهـم بـوق
هذا مزاجـي ولاش غيـره مزاجـي
الا ليا عـرض مـن النـاس مخلـوق
تـوه علـى الزمـه نهـوده لواجـي
هايف حشا ملهـوف والعنـق منتـوق
يغض برمش العين خـدر الحجاجـي
وله غرت(ن) عنها اشقر الراس مفروق
ممشـاه مـا بيـن الدلـع والغناجـي
ولاهو بمرجوجن(ن) ولاهو بمطفـوق
ياعنك مانـي مـن صوابـه بناجـي
هذاك ياغـازي لـه القلـب مفتـوق
مفتوق فتق(ن) في ضميـري وساجـي
ومن لامني جعله على الخد مصفـوق
بيض النحور اللـي غـدن بالخفاجـي
معهن لطراد الهـواء سحـر مسحـوق
ليـا اقبـل(ن) عذابهـنـه يفـاجـي
وليا ادبرن ارداف واجسـام وعنـوق

ولا تحرمنا من جديدك

صح لسان ابو هذال الشاعر الكبير خلف بن هذال العتيبي


أخذت من روحي لروحي نصايح=ثلاث يرضن النفوس الضياقي
جمع الحطب ومعلقات الذبايح=وحذف النشاما للغتر والطواقي
بقفرٍ خلا عشبه بالأزهار فايح=غصن الخزاما له بالآخر مراقي
تلقى أم سالم به تجر النوايح=يطيب مع طير الربيع التلاقي
بين أربعة جدران مانيب طايح=قطع الخرايم جبّرت عظم ساقي
في نون عيني بارق الوسم لايح=كن السحاب تسل فيها السناقي
إن عوّدوا غب المطر للفلايح=مانيب فلاحٍ يعدّل سواقي
عوّدت للي يكسبن المدايح=فيهن طرب قلبي ولذة مذاقي
سود البكار المكرمات المنايح=هاذي ضوت خلفة والأخرى ملاقي
ملحاً تباهت بالصميل يتمايح=تركي على كبد الحسود العراقي
خلوني أقضي باقي العمر سايح=مادام للعمر المطرّف بواقي
أمشي تحت غر المزون الروايح=هذا هواي ورغبتي واشتياقي
يرتاح بالي يوم أودّه وأصايح=وأبسط فراشي في مبارك نياقي
أنحاش عن ناسٍ تسوي الفضايح=عاشت بسوء أخلاق كذب ونفاقي
ناسٍ تسرّد للمشاكل شرايح=تثير من بين الأخوان الشقاقي
كل الحياة أحلام والعمر رايح=طرقي بها الدنيا وغيري طراقي

وذي لكم بعد من ابو هذال
ونستي ملحا من البوش غاربها سنـاد= فاهـق سنامهـا ناشبـن بردوفـهـا
بالخضيرا راسهـا كنهـا تطـرد جـراد=يخزي الشيطان يوم العيـون تشوفهـا
والأذاني بالصناقر كما الشلـف الحـداد= أفطس عرنونهـا ضافـي غضروفهـا
ذيلها أبتر خوش عذروب والعرقوب عاد =منشزت نـداف قطـنٍ ايديهـا تحوفهـا
والعضود مشمره عـن مذكاهـا بعـاد =يوم أحلي باب عجـلان بيـن كتوفهـا
كتفها عن وركها عشرة أشبـار وكـاد =والخفاف من الفحل والوصوف وصوفها
هضبةٍ متحنطرةٍ دامـسٍ فيهـا السـواد =قطعةٍ من ليـل تدفـن يـدك بدفوفهـا
ديـرةٍ متنقلـة مـن بلـد ليـا بـلاد =القرا في درها والـذرا مـن صوفهـا
زاد من غابوا مديده ولا فـي البيـت زاد=عاطفةٍ من عاطفة ما تخيـب أضيوفهـا
ينطحك ريحة عبسها مثل ريـح الزبـاد=كن مسك القيصرية بعث مـن جوفهـا
تقهر الأعـدا نهـار المزايـد والعنـاد =كضّمت من غبنهـا وصفقـت بكفوفهـا

[align=center]
وإليـا زهمهـا وعــط الـصـوت بأسمـاهـا = زود السـطـر والظـفـر والـجـن يلبـسـهـا

صح لسانك والله إنك أبدعت

[/align]

تسعين كيلو ليـا طاشـت تعداهـا الله من عيون بعض الخلق تحرسها

الله الله

صح لسانك مدد بلا عدد

ولاهنت ياولد روق