ام الفحل

هذي القصيده للاخ الشاعر/حمد ابوراس ال فطيح اليامي في وصف ام الفحل وعسا ان تنال اعجابكم



[poem=font="Times New Roman,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
[poem=font=",6,darkred,bold,normal" bkcolor="transparent" bkimage="http://www.mzayan.com/vb/mwaextraedit2/backgrounds/26.gif" border="none,4," type=0 line=0 align=center use=ex num="0,black""]
ما هو يعمر البل ويظهر غلاها= الا ولد سودا سناد طويله
سودا ليا من المدوه شعاها=تدجر وما جا في نحرها تشيله
تنسا ولدها من سطرها وراها=وتظهر من الزعجول الاول معيله
كنها تخايل بارقٍ في سماها=وكنها تباريها المواطي الثقيله
من وسع شقتها طوالٍ خطاها=عسمٍ اياديها عظاها جليله
سوداً غرابيه كثيرٍ حلاها=الراس عودٍ والفقاره مهيله
فنسا وبالعرنين كنها تباها=من وين ما جيته لا كن فيه ميله
ولحيٍ جليل فاق وصف زهاها=واذانيٍ كنها نصايب نثيله
وان جات عركات النهل ما طراها= ترفع وهي ماذاقت الا قليله
ذي ام الفحل بالوصف واللي يباها= يروح لال جحيش وانا كفيله
مرية بالخوف تتبع هواها =من حيث ما طاح الحيا تنتوي له
تشمل ورا الحد الشمالي مداها=لا بكر الوسمي وجا ذكر سيله
وتجنب الى الحرشا لمنه سقاها =نو تكاشف بارقه في جثيله
يامية بالهوش تقهر عداها=لا طار ستر منقظات الجديله
دون ابلهم ترهي السباع بعشاها= كم راس شيخ من متونه تشيله
وهم عيد اهل هجن توانت خطاها=من طول طرقتها وناياً هزيله
وصلوعدد ما انشا ولاح بدجاها=على الرسول اللي دعا للفظيله
[/poem]
[/poem]

وسلامتكم

لاهنت ياحاصل وصح لسان الشاعر

صح لسانك ولسان حمد ابو راس
لاهنت على النقل

صح لسانك ولسان الشاعر

ونعم ونعم ونعم

صح لسان الشاعر والله لايهينك على النقل

صح الله لسان الشاعر الفطيحي ولاهنت على النقل الموفق.

صح لسان الشاعر
وبيض الله وجهك ياحاصل على الطرح الطيب

مرحبا بكم كلا باسمه كل من علق ومر على الموضوع وصحت ابدانكم ولا عليكم زود كلا فيه حقه من الطيب

صحت يمينك ياحاصل وصح لسان الشاعر حمد وتستاهل أم الفحل

صح بدنك يا علي وتستاهل كل خير

صح لسان الشاعروعز الله انه وصف ام الفحل
وبيض الله وجهك ياحاصل على الطرح الطيب

صح الله السان الشاعر
والسانك وكفيت وفيت في القصيده الراااااائعه
وتسلم

لاهنت على النقل الطيب ياحاصل وصح لسان الشاعر

صحت ابدانكم والطيب مروركم المشرف

لاهنت يا حاصل وبيض الله وجه ابوراس وما عليكم زود يا يام ويستاهلون ال جحيش

كل علم طيب وهم هله ولولا فعلهم ما مدحو .

شكرا
---