ابي اكثر البل لين اعـور بهـا الحسـود=وابدفع ثمنها كـاش ولا شريـت ابديـن
ابا اطب سوق الخرج واجيب صعكً سـود=عليها الأكاز الي علـى ثفانهـا ويميـن
اعمـر ذودنـا الاول وباحـط فوقـه ذود=وبيها تجي واجد تعـداء وراء التسعيـن
شراياي عشر وباقي البـل نيـاق العـود=وطلع لونها واحد وخلق الله الهـا زيـن
عقب ماخترت لي تسعين ملحـا عليهـا زود=طرشة وشريت الها الفحل من وراءيبرين
ابيها تدافع كـان جـى للنبـات عضـود=على مــقدم العتبـان مـا نحتـر التاليـن
ليا لاح بـراق الوسامـي وفيـه ارعـود=على اول دخول الوسم لاصار بـول حيـن
ثم صتكت البدوان مع شبعـت المفـرود=تعاشو على طرد المعاشي وهـم مقفيـن
ابا ابرالها فوق المصفـح وخـاو القـود=وجر الغنـا بالصـوت والحنـه تلحيـن
وبتبع ماشاهيها وببـذل لهـا المجهـود=وابيها تبعدني عن الشين وهـل الشيـن
ابا اسوق سود ٍ ساسها ذخر ابـا وجـدود = سلايل ركاب العود عشـوان وحريشيـن
واباخلـي الشيـا وحواشـة النيـجـود=شواو ٍ تمرجل بالغنـم حضهـا بالضيـن
تخاور بهمها كل صبـح ٍ يبـي الهـدود=ومخاطينها مثل الطرافيش شيـب العيـن
الشاعر:سهل بن نايف الكسر المرشدي العتيبي
تعليق