شهادة حق لأبن شعف

السلام عليكم ورحمة الله وبركاته
قصيدة في الشيخ : محمد بن عبدالله بن شعف المسعري الدوسري
سمعت عن الشيخ ثم رأيت بعيني وهو لايمنع احد عن مانحي بعارينه كائناً من كان .
فقلت هذا القصيده : شهادة حق بذلك

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يابن شعف واللي دعاني علـى خيـر=علم ٍ سمعتـه مـن جميـع البـوادي
علـم ٍ يردونـه رجـال ٍ مناعـيـر=قولة نعم في كـل مجلـس ونـادي
قسمك بياض الوجه عنـد المسافيـر=يالمسعري فعلك عـن النـاس زادي
فزتـوا بهـا ياطايليـن الأشابـيـر=علم ٍ جميـل وكـل يـوم ٍ عيـادي
ياأهل البيوت الي نصوها المساييـر=فالصيـف ولا فـي ليـال البـرادي
نشوفهم ورد الظوامي علـى البيـر=العيلـم اللـي للقبـايـل مــرادي
في مجلس ٍ فيـه الـدلال المباهيـر=اللـي خثـر فيهـا جديـد القنـادي
دواسـر ٍ يـوم الليـال المعاسـيـر=بيوتهـم فيهـا الشحـم لـه منـادي
وأيام سوقـات السلـف والمظاهيـر=لهم على الضـد المعـادي معـادي
يـوم القبايـل للقبـايـل مناحـيـر=زادوا على أهل الجود وأهل الجوادي
آلاد زايـد زودهـم فالعـرب غيـر=أهل النقـا وأهـل القنـا والشـدادي
وأهل الجهام اللي سبوحـه طوابيـر=اللي عموقه سـاس عسـم الأيـادي
سود البكار اللـي تضيـع التعابيـر=في زينها اللي عن هل الزيـن زادي
الله يسـوق لهـا الوسـوم المباكيـر=على دخـول الوسـم ناشيـه بـادي
نو ٍ مـن المنشـأ مزونـه مزابيـر=تجري بشاير مـاه مـع كـل وادي
وزان الطرب للي طربها المشاويـر=لاطالـت الـشـده وزاد العـنـادي
الخلـف يبرالـه دقـاق ومعاشيـر=وشهب الجيوب اللي تبوج الحمـادي
وركبت على اللي منتـو ٍ للمحاديـر=هرش ٍ تموح يداه بيـض الرهـادي
تبغالهـا قفـر ٍ تخالـف نـواويـر=عوده بعـد مـاراب والديـم هـادي
ترعابه النظـرات عشـق المغاويـر=أمـا بـراس المـال ولاّ تــلادي
ترعى جديد النبت فالصبح وعصيـر=والزود من فـوق الظهيـره ينـادي
يزهـى مجاهيـم ٍ عليهـا التباشيـر=تسـاق فأيـام الوغـى والطـرادي
اللـي غلاهنـه يفـوق التصـاويـر=محبـة ٍ مـن عنـد رب العـبـادي
لهـا معـزه فالضمايـر وتقـديـر=خص ٍ ليا صارت شنـاح ٍ سنـادي
ملحا ًغشاها الزين وهبه وتصويـر=ماجالها فـأرض الجزيـره مـلادي
للدوسري هـذي زبـون المخاسيـر=وانشـد وتلقـى مانقولـه وكــادي [/poem]

الشاعر: متعب محمد الشايوش العتيبي

صح لسانك وبيض الله وجهك
ويستاهل ابن شعف المسعري

بسم الله الرحمن الرحيم

بيض الله وجهك يامتعب ويستاهل ابن شعف الناموس ويستاهلون آل زايد فعلهم وسلمهم على الفحل محد جاهله ولا هي غريبه عليهم وهو والله الناموس اللي يفتخر به الرجال في مجالسهم ولا ترى هو ماء بعير ما يسوى من منعه ولا عطاه لكن في زمن صكت الناس على البعارين الطيبه في مزارعها واملاكها الخاصه ومنعة منه ولا حول ولا قوة الا بالله اصبحت مفخره يمتدح بها الرجال واعتقد والله اعلم لو بحثت لن تجد قصيده قبل 30 سنه يمدح فيها احد بأنه مايرد عن بعيره لن مافيه احد كان يمنع لا هنت يامتعب على القصيده والوفاء طبعكم ياعتيبه وانتو هل الطيب ولا يهون باقي القبايل .

صح لسانكـ وعلا شانكـ

كفوو صح لسانك يامتعب وبيض الله وجهك
وبستاهل ابن شعف العلم الطيب

بيض الله وجهك يامتعب على القصيدة الجزلة
وابن شعف يستاهل العلم الطيب
وانتو هل الطيب ولايهنون جميع القبايل

صح السانك ويستاهلون كل خيرر

صح لسانك يا متعب ويستاهل بن شعف والدواسر كافه وهم هل العلوم الطيبه عند الفحل وعند غيره وعلى قولة بن بلال :: ترا كل من له عادة ما يخليها ... ليا جا الزمان اللي هبود ورماحي

صح لسانك وبيض الله وجهك
ويستاهل ابن شعف المسعري

الشاعر القدير / متعب الشايوش

صح لسانك .. واعتلى شانك ..

قصيـده جزززلـه .. من شاعرٌ مبدع ..

وكفو .. كفو .. كفو يالعتيبي .. ويستاهل ابن شعف .. ولاهي غريبه عليه وعلى ربعـه ..

لاهنت ..

بيض الله وجهـكـ .. وجمل الله حالـكـ ..

والطيب لايستغرب من أهلـه ..


.
.
.

تقديري ..

صح لسانك

ويستاهل ابن شعف كل علم غانم

بيض الله وجهك يالعتيبي

وقصيده جزله من روائع الشعر

وركبت على اللى منتو للمحادير ** هرش تموح يداه بيض الرهادي

وقفت أمام هذا البيت طويلا

تحياتي لك أيه المبدع ...