السلام عليكم
هذي قصيدة قلتها في الصفري يوم بعض الجماعه يعذلني فالبل ومحقة الشده والتعب..
ياعاذل القلب عن مشهاه ومراده // وتبغيني انكف عن الشده وطاريها
تبغيني انكف عن المحدار واسناده // في زاهي العشب من نون مطر فيها
ماتدري ان الولع فالبوش يزداده // شوف المزن لابرقت به بأمر واليها
عقب انهمر سيل وبله وصاح رعاده // واجرى شعيبه عقب ماكان مجفيها
فتقوم عساستن للعشب وراده // على جيوبن تنومس من طرش فيها
جيوبن عليها ظمان وموجز افاده // لامايغرز ولا ينظام راعيها
ثم حولوا بخايعن تو سال به عاده // تنعشك ريح الخزامى في نواحيها
وجول الحباري وراها زول هداده // اللي يبا الصيد يزبن في حراويها
وكلن رجع صوب ذوده وولم عتاده // وطوو خيامن ليا جا القيظ نبنيها
وحمل قشاره في ظهر الجيب وشداده // وكل مصغرن حمل ولدها ياراعيها
واحكم هجار الفحل ثم فكك قياده // واستاق ذودن تدرهم في مماشيها
لامشت متسنده للروض منقاده // يابعد مسراحها عن وين تعشيها
هزع العراقيب وعالشدات معتاده // تشعى بمنهو يحب البل ويقنيها
ولاجيت قاعن بها العشوب مزداده // حول قشارك وزين قهوتك فيها
وارتع حلالك وخل العاذل بواده // واقطع طعامن من اول كنت تعطيها
وليا ظوا الليل والعربان هجاده // والبل بروكن وشبعه من مفاليها
قم برز المواعين وراعيك ناده // وابهل مشاميلن عسى غبوقنا فيها
هذي طراة السنين وشفة مراده // وهذا هوا القلب والعذال ماصغيها
وسلامتكم
زايد بن عباس الضيف التميمي
هذي قصيدة قلتها في الصفري يوم بعض الجماعه يعذلني فالبل ومحقة الشده والتعب..
ياعاذل القلب عن مشهاه ومراده // وتبغيني انكف عن الشده وطاريها
تبغيني انكف عن المحدار واسناده // في زاهي العشب من نون مطر فيها
ماتدري ان الولع فالبوش يزداده // شوف المزن لابرقت به بأمر واليها
عقب انهمر سيل وبله وصاح رعاده // واجرى شعيبه عقب ماكان مجفيها
فتقوم عساستن للعشب وراده // على جيوبن تنومس من طرش فيها
جيوبن عليها ظمان وموجز افاده // لامايغرز ولا ينظام راعيها
ثم حولوا بخايعن تو سال به عاده // تنعشك ريح الخزامى في نواحيها
وجول الحباري وراها زول هداده // اللي يبا الصيد يزبن في حراويها
وكلن رجع صوب ذوده وولم عتاده // وطوو خيامن ليا جا القيظ نبنيها
وحمل قشاره في ظهر الجيب وشداده // وكل مصغرن حمل ولدها ياراعيها
واحكم هجار الفحل ثم فكك قياده // واستاق ذودن تدرهم في مماشيها
لامشت متسنده للروض منقاده // يابعد مسراحها عن وين تعشيها
هزع العراقيب وعالشدات معتاده // تشعى بمنهو يحب البل ويقنيها
ولاجيت قاعن بها العشوب مزداده // حول قشارك وزين قهوتك فيها
وارتع حلالك وخل العاذل بواده // واقطع طعامن من اول كنت تعطيها
وليا ظوا الليل والعربان هجاده // والبل بروكن وشبعه من مفاليها
قم برز المواعين وراعيك ناده // وابهل مشاميلن عسى غبوقنا فيها
هذي طراة السنين وشفة مراده // وهذا هوا القلب والعذال ماصغيها
وسلامتكم
زايد بن عباس الضيف التميمي
تعليق