(( حمود بن لحمر الهاجرى ))
راكب اللى من طريف ن سرى ولا غبـش
والعصر فى عيـن دار يشـوف حدودهـا
منوة اللى فـى جلاميـد شغلـه وابتلـش
فى خلا الخالـى ونفسـه بـذل مجهودهـا
يابن قوبان انت وينك ترا الديـره طفـش
امحق امحق ديرة ن من سـواد احيودهـا
كل مانزلت رجلـى وطيـت ابهـا حنـش
ديرة ن من حـل فيهـا ماعـاد ايعودهـا
والصحارى مالقينـا بهـا غيـر العتـش
من غضب ربى عليها ماخّضـر عودهـا
خاليـه ماشفـت فيهـا مظاهيـر ودبـش
والمجاهيـم الغوالـى ماهيـب اتـرودهـا
وان مشا الرجلى خطيرن يموت امن العطش
مابعـد ذكـرت مصاديرهـا وورودهـا
والله انـه مايفـل الضمـيـر وينتـعـش
غير لاشفتـك يامحسـن معـى بحدودهـا
لاتلاوحنـا الطواريـق والبـال اندهـش
جرة المنكوس نفسـك ماهـوب ايكودهـا
ذى طـراة النفـس ولا تواليهـا فـنـش
كم نفـوس ن راحـت وغلهـا بكبودهـا
ارسل ارسلى اردودك مع منهـو طـرش
بالبلاتـوث المسجـل نبـى مـردودهـا
جات لك ياشوق مـن عمرهـا اربعتـش
وكل نفس ن جودهـا دوم مـن ماجودهـا
(( محسن بن قوبان المرى ))
راكب اللى روحت مثل مـرواح الوحـش
تلتـه ربـدا خريـش ن قفتهـا نـودهـا
من مطار طريف تقلـع وتايرهـا كمـش
وفى مطـار بقيـق لاحشفـت بخدودهـا
عقبها حول على اللى خذت لـون الرهـش
لكسـززن مـارج سكانهـا مـن رودهـا
نصها لحمـود وحمـود بالناصـى يبـش
وخـذ عنـده دلـة ن بالبهـار وعودهـا
وسلمه رد المثايـل بعـد جـات اثنعـش
كاملـه ومكملـه مانـقـص معـدودهـا
مرحبـا يابومحمـد عـدد مــارش رش
من مزون ن برقها قبل صوت ارعودهـا
فى ديار اخوان نـوره امعطـرت النمـش
يامسـا الخيـرات بغيابهـا ووجـودهـا
ياحمـود الهاجـرى حـول بزامـى ودش
وان جفتـك الحـره انوصلـك لنفـودهـا
فى عروق بين طلعـه ونـزلات وهلـش
فوق عذفا كـل شجـره اتميـل افنودهـا
سج باقدامك مـع البيـد ياحمـود وتمـش
والفتـى لابـد نفسـه تـزور الحـودهـا
والخوى قد علمك بالوصـاه ابـن دغـش
لاتخاوى كـون روس العـرب وفهودهـا
وانتبه من خوة اللى كما وصـف المحـش
جعل سـواق المنايـا يحـش اعضودهـا
تعليق