[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
انا يوم كلٍ من هل الحب له معشوق=عشقت البداوة لو خسر مكسبي فيها
لوني على بدع الغنا والمثل مسبوق=غدا ودي اقطف مع هل العرف صافيها
الا ياهل البل كل يومن يجي له سوق=وسوق البداوة زان ياطامعن فيها
من اول تزفي الدمي عندها مدفوق=وذا الحين زانت والله اللي مسويها
وغدا للبداوة عند راعي البداوة ذوق=تحت بيرق ال سعود الاسلام غاشيها
ترى البل تبي من ياخذ الطاق بالمطبوق=وسيع البنايد مايحسب قوافيها
رصيد الدراهم تدخل البنك والصندوق=وطوال الغوارب يفخرون العرب فيها
ياما حلا لا لااح عقب العتيم بروق=تنثر قنوفه وبلها بأمر واليها
على الديرة اللي تظهر الفقع والرقروق=الا من استوى صفارها ربعو فيها
وجانا غثيرها مابعد ذكر له معلوق=وقامت صخاف الشول تزفي بهاليها
وتـناوو هل البل سالمينن صدوف العوق=تحت نية الله مبعدينٍ معاشيها
وتمارو بطرعاتن تزاغر مع الطاروق=لو لا طربها كان محدن تعب فيها
هوا غايتي ملحاً تشوق المغني شوق=يقول الموصف ضايعن الفكر فيها
عريضة فقارن تنبه الني يرقى فوق=سنادٍ مفرعها ثقال مهاويها
دقيقة معنق زايل الحق تزهى الطوق=راعي الصنف بمات الملايين يشريها
ياماحلا لامن رعت خايع الزملوق=مع حبها الاول يزيد الغلا فيها
ورها تعين دق مقهورها مفهوق=ويقزل حبايل رمسها من مفاليها
والا زار اهلها طرقين يبغي الغبوق=تعجب وهو ماكان له رغبتن فيها
وغدا خاطره لهواية البر قام يتوق=يبي شوف بدون حي دارن رعو فيها
خذ في الربيع وعاد مصيافهم ملحوق=وعوايد هل البل كل دارن تنويها
لامن لفاهم بالخبر طرقين ماثوق=على منطقة ربع الخلا دايجن فيها
سقاها ساحب الصيف ماذكر فيه فتوق=على الديرة اللي ماتورد ضواميها
يقول المعلم منه حول شعيب الصوق=يشق الزباير والغثا عنه يرميها
سقا ديرتن يسقي جبلها زبار عروق=تعالج مريض النفس لامن مشى فيها
مع الفجر شدو قبل وقت الضحى بشروق=بعضهم على ماواه عرقه يخليها
ياماحلا لاخذو لمقيالهم دغروق=ثواني يعوجون الاوايل لتاليها
على دلتن ماثقلو بنها محروق=من العود والهيل الحبش كثرو فيها
ولاروحو شد المعلق على العملوق=وقرقاعت العصروف للبل تكفيها
يبون الغدير اللي حشا قبلهم مطروق=وعزي لراعي التاليه وين يغديها
هوا غايتي ملحا تسوق الركايب سوق=ثعت في الاوايل والمغني ثعا فيها
مع النجع الاول شبحها دايمن مطفوق=نهار التحدي ماتعود لحاشيها
سوات الطوح اللي من العام ترمي الشوق=يشوف الكلف حجارها من عزاريها
تحدب على الركاب كن بووها مسروق=خذينة راعي البل مثل ماهو مهاويها
ابوها عليه البدو تزل بساس اعموق=وهل البل يهدون الفحل من مجانيها
عريض المعذر لصطفق قلت ذا مشدوق=وخوافق لحويه زين خلق الولي فيها
لامنه تنحى قلت ذا ناطحن صعفوق=يموز الخفاف اللي تظيع مباريها
عليها السرا يكثر الا برز الفاروق=وهل البل على شانه اتعدي نواديها
وترى البل لها ياجب على اطيبين احقوق=وعسى الله يعين اللي تعب في معانيها
لوني على بدع الغنا والمثل مسبوق=غدا ودي اقطف مع هل العرف صافيها
الا ياهل البل كل يومن يجي له سوق=وسوق البداوة زان ياطامعن فيها
من اول تزفي الدمي عندها مدفوق=وذا الحين زانت والله اللي مسويها
وغدا للبداوة عند راعي البداوة ذوق=تحت بيرق ال سعود الاسلام غاشيها
ترى البل تبي من ياخذ الطاق بالمطبوق=وسيع البنايد مايحسب قوافيها
رصيد الدراهم تدخل البنك والصندوق=وطوال الغوارب يفخرون العرب فيها
ياما حلا لا لااح عقب العتيم بروق=تنثر قنوفه وبلها بأمر واليها
على الديرة اللي تظهر الفقع والرقروق=الا من استوى صفارها ربعو فيها
وجانا غثيرها مابعد ذكر له معلوق=وقامت صخاف الشول تزفي بهاليها
وتـناوو هل البل سالمينن صدوف العوق=تحت نية الله مبعدينٍ معاشيها
وتمارو بطرعاتن تزاغر مع الطاروق=لو لا طربها كان محدن تعب فيها
هوا غايتي ملحاً تشوق المغني شوق=يقول الموصف ضايعن الفكر فيها
عريضة فقارن تنبه الني يرقى فوق=سنادٍ مفرعها ثقال مهاويها
دقيقة معنق زايل الحق تزهى الطوق=راعي الصنف بمات الملايين يشريها
ياماحلا لامن رعت خايع الزملوق=مع حبها الاول يزيد الغلا فيها
ورها تعين دق مقهورها مفهوق=ويقزل حبايل رمسها من مفاليها
والا زار اهلها طرقين يبغي الغبوق=تعجب وهو ماكان له رغبتن فيها
وغدا خاطره لهواية البر قام يتوق=يبي شوف بدون حي دارن رعو فيها
خذ في الربيع وعاد مصيافهم ملحوق=وعوايد هل البل كل دارن تنويها
لامن لفاهم بالخبر طرقين ماثوق=على منطقة ربع الخلا دايجن فيها
سقاها ساحب الصيف ماذكر فيه فتوق=على الديرة اللي ماتورد ضواميها
يقول المعلم منه حول شعيب الصوق=يشق الزباير والغثا عنه يرميها
سقا ديرتن يسقي جبلها زبار عروق=تعالج مريض النفس لامن مشى فيها
مع الفجر شدو قبل وقت الضحى بشروق=بعضهم على ماواه عرقه يخليها
ياماحلا لاخذو لمقيالهم دغروق=ثواني يعوجون الاوايل لتاليها
على دلتن ماثقلو بنها محروق=من العود والهيل الحبش كثرو فيها
ولاروحو شد المعلق على العملوق=وقرقاعت العصروف للبل تكفيها
يبون الغدير اللي حشا قبلهم مطروق=وعزي لراعي التاليه وين يغديها
هوا غايتي ملحا تسوق الركايب سوق=ثعت في الاوايل والمغني ثعا فيها
مع النجع الاول شبحها دايمن مطفوق=نهار التحدي ماتعود لحاشيها
سوات الطوح اللي من العام ترمي الشوق=يشوف الكلف حجارها من عزاريها
تحدب على الركاب كن بووها مسروق=خذينة راعي البل مثل ماهو مهاويها
ابوها عليه البدو تزل بساس اعموق=وهل البل يهدون الفحل من مجانيها
عريض المعذر لصطفق قلت ذا مشدوق=وخوافق لحويه زين خلق الولي فيها
لامنه تنحى قلت ذا ناطحن صعفوق=يموز الخفاف اللي تظيع مباريها
عليها السرا يكثر الا برز الفاروق=وهل البل على شانه اتعدي نواديها
وترى البل لها ياجب على اطيبين احقوق=وعسى الله يعين اللي تعب في معانيها
الشاعر / محسن بن سلطان المساعره الدوسري
[/poem]
تعليق