السلام عليكم ورحمه الله وبركاته ..
قصيده لشــاعر شليويح عبدالله الركابي العنزي بالابل الوضــح وحبيت انقلها لكم
ضيف العنزي
قصيده لشــاعر شليويح عبدالله الركابي العنزي بالابل الوضــح وحبيت انقلها لكم
امس الضحى عديت في مرقب الطير
الـي ليشـاف الحبـاري ذبحهـن
هموم قلبي مثل صفـق المعاصيـر
احب شوف الوضح وقلبي يبيهـن
الله يلـوم الـي يبيـع المغاتـيـر
يرتاح قلبي يـوم اطالـع ذراهـن
يا حلوهن ون جت ليالي المخاضير
وعيالهن اصغـار يمشـن وراهـن
ليروجـن فـي واديأبـه نواويـر
مثل ريح الطيـب ريحـة عبسهـن
ليروجـن طياحـهـن للمقاهـيـر
يا حلو صوت الحويـر الـى حـن
ليصار شقح وضح وفيهن خواويـر
وفحلهن واحد وكلبوهـن يضيحـن
ماهن من الـي يعذبـن المداويـر
يجن على حـس المـدوه اليـا دن
تسمع وحيهن مثل حـس البوابيـر
عجلات بالممشى سريعات ون جـن
هن عزنا ون جت ليالي المعاسيـر
عن الضمى والجوع نشرب لبنهـن
ليهب من وبـل الثريـا شخاتيـر
اكـب نمايـه ثـم اتوبـع نماهـن
نصبر على كثر التعب والمشاويـر
ومادام انا ما مـت ونـا راعيهـن
نصيحتي يهل الوجيـه المسافيـر
ليدهـرن الوضـح كثـر عشاهـن
ضيف العنزي
تعليق