يالله المطلوب ياللي عباده في رجاه
ياقريب برحمة العبد لو خاب اعمله
ياقريب برحمة العبد لو خاب اعمله
جعل دارن تجمع البدو ماينشف ثراه
من مخاييل رعدها يجي له زلزله
من مخاييل رعدها يجي له زلزله
يالعله كل مقبل مخالٍ من سماه
ينثر الماء لين يروى جبلها وسهله
ينثر الماء لين يروى جبلها وسهله
زين شوف العشب لامن غطى الارض وكساه
في فياضٍ نبتها ينطحك ريح انفله
في فياضٍ نبتها ينطحك ريح انفله
وزين سج العشب بالبل الامن الله ولااه
لاستوى زملوق نبته وكلن شدله
لاستوى زملوق نبته وكلن شدله
مع بني عمن الا كل مصلاحن رعاه
طرشهم دون الخطر مايردون اوله
طرشهم دون الخطر مايردون اوله
مهملين الجار من يوم توسم له عصاه
غيرهم محدن يصون القصير ويهمله
غيرهم محدن يصون القصير ويهمله
وزين شب الضو في العصر لا ذعذع هواه
ضو سمرٍ والهوا مستقيم يجهله
ضو سمرٍ والهوا مستقيم يجهله
في محل مجربٍ يجذب الطرقي نباه
مجلسه يدعى المسايير كلن يدهله
مجلسه يدعى المسايير كلن يدهله
عاش من حط المزاين وطور مستواه
في محلٍ يجمع البدو شيد منزله
في محلٍ يجمع البدو شيد منزله
شجع البل هي وهلها عسى الناقص فداه
ماقف ابن اقويد ماقبله احدٍ يفعله
ماقف ابن اقويد ماقبله احدٍ يفعله
شجع البل هي وهلها وسوا ماطراه
جعل مانعتاض عقبه على الدار ابدله
جعل مانعتاض عقبه على الدار ابدله
صيرمين سل سيف المراجل من اخباه
رايمن صعب المواقيف راعي الاوله
رايمن صعب المواقيف راعي الاوله
لو مدحت وقلت ماقلت وان ماقلتناه
كل ابو كسب النواميس ورثٍ من هله
كل ابو كسب النواميس ورثٍ من هله
شجع البل يوم ربي على اللعيا هداه
رايمن درب المعالي وربي جمله
رايمن درب المعالي وربي جمله
لين جاتك جرد الارقاب من كل اتجاه
في مكانٍ راعي البل يجيه ويدهله
في مكانٍ راعي البل يجيه ويدهله
طامعينٍ في الجوايز وجاء يوم المراه
ويتنامس من غواليه تاخذ الاوله
ويتنامس من غواليه تاخذ الاوله
من بغى الناموس يشري الى من الله عطاه
كل سادٍ بالوصايف يقال مهوله
كل سادٍ بالوصايف يقال مهوله
مارق النسنوس فنسى تضيع ابها الرواه
اشهد انه رابحٍ شيكها من سجله
اشهد انه رابحٍ شيكها من سجله
هي طراة الروح ماغيرها ضني طراه
آه ياللي ماغدا له وراها مسأله
آه ياللي ماغدا له وراها مسأله
شقوتن لرجل دامه على قيد الحياة
لذتن والعمر ماهوب حبل انوصله
لذتن والعمر ماهوب حبل انوصله
والسلام اختام والعذر فيما قلتناه
من غلاكم ودي اخذ من الهرج اجزله
من غلاكم ودي اخذ من الهرج اجزله
الشاعر/ سلطان بن محسن آل بو سباع الدوسري
تعليق