السلام عليكم ورحمه الله
قصيدة في المحدار
بكره ليا طروا المحدار *** و علم الحيا جابه الماشي
من رايح(ن) سايح(ن) مدرار *** سيله جرح كل ماناشي
وسم(ن) مزونه تهل امطار *** ماهي رذاريذ ورشاشي
الهوج تجري منه عبار *** يرمي بها جذوع وقشاشي
وصحصح وجا للدفا مظهار *** و البرد في حل الاغباشي
واسبوع بعده اسبوع(ن) دار *** والعشب في ماقعه طاشي
وقالو ترى من الحفر ويسار *** تذاكروا شبعه الحاشي
روض(ن) خزاماه و الصفار *** من عطره الراس ينداشي
وليا غشى روضه النوار *** ثم علته ديمه الناشي
ابدع به الخالق القهار *** من فضل جوده للادباشي
سقناله اللى تبوج الدار *** وضح(ن) على الصوت تهتاشي
تسرح ليا بانت الاسفار *** مابين زرفال وهواشي
و تقطع على كيلو الامتار *** تسعين و اليل ماحاشي
ولا المجاهيم ياستار *** لو حولها جدال ونقاشي
ثقل وعقل و الجروم كبار *** وليا مشت مالها معاشي
ما مثلها يلفت الانظار *** في لونها وزينها الغاشي
لو كان راحت مع التجار *** في يدينهم زين الابواشي
لكن لوصار ولا صار *** في حبها ما اسمع الواشي
عناد للمبغض البوار *** ونقهر بها الحاسد اللاشي
ولو الغلا زاد بالاسعار *** وتلاعبت فيه الاوباشي
ماكبها زال دمي حار *** والراس للمرجله شاشي
ولاكبها غير ميت نار *** دون المصاغير ماهاشي
صيت وغنيمه وطيب اذكار *** ومال(ن) على حزته كاشي
مالي عن الغاليه معذار *** عاشت ومن ساقها عاشي
للشاعر : متعب بن محمد الشايوش العتيبي
قصيدة في المحدار
بكره ليا طروا المحدار *** و علم الحيا جابه الماشي
من رايح(ن) سايح(ن) مدرار *** سيله جرح كل ماناشي
وسم(ن) مزونه تهل امطار *** ماهي رذاريذ ورشاشي
الهوج تجري منه عبار *** يرمي بها جذوع وقشاشي
وصحصح وجا للدفا مظهار *** و البرد في حل الاغباشي
واسبوع بعده اسبوع(ن) دار *** والعشب في ماقعه طاشي
وقالو ترى من الحفر ويسار *** تذاكروا شبعه الحاشي
روض(ن) خزاماه و الصفار *** من عطره الراس ينداشي
وليا غشى روضه النوار *** ثم علته ديمه الناشي
ابدع به الخالق القهار *** من فضل جوده للادباشي
سقناله اللى تبوج الدار *** وضح(ن) على الصوت تهتاشي
تسرح ليا بانت الاسفار *** مابين زرفال وهواشي
و تقطع على كيلو الامتار *** تسعين و اليل ماحاشي
ولا المجاهيم ياستار *** لو حولها جدال ونقاشي
ثقل وعقل و الجروم كبار *** وليا مشت مالها معاشي
ما مثلها يلفت الانظار *** في لونها وزينها الغاشي
لو كان راحت مع التجار *** في يدينهم زين الابواشي
لكن لوصار ولا صار *** في حبها ما اسمع الواشي
عناد للمبغض البوار *** ونقهر بها الحاسد اللاشي
ولو الغلا زاد بالاسعار *** وتلاعبت فيه الاوباشي
ماكبها زال دمي حار *** والراس للمرجله شاشي
ولاكبها غير ميت نار *** دون المصاغير ماهاشي
صيت وغنيمه وطيب اذكار *** ومال(ن) على حزته كاشي
مالي عن الغاليه معذار *** عاشت ومن ساقها عاشي
للشاعر : متعب بن محمد الشايوش العتيبي
تعليق