السلام عليكم ورحمة الله وبركاته
أولا أتشرف أن أكون عضو في هذا المنتدى الطيب كما أتشرف أن تكون أول مشاركه لي قصيده في الشيخ إبراهيم المهيلب بمناسبة مشاركته في مزاين أم رقيبه
[poem=font=",5,,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
أشهد إن المهيلب قرر وسوىّ=صار لهل المزاين مضرب أمثالي
المهيلب ليا منّه سرح ضوىّ=(نادر الفعل) مايسرح على الخالي
الله أقوى وهو من ربه إمقوىّ=كنّ الاموال عنده ماهي اموالي
لاغرف من محيط الجود ماشوىّ=البخل لو يشوفه مات طوالي
ماهو ابغاويٍ فالبل وامغوىّ=ساق له وضح ندّر مهرها غالي
ساقها للمكان اللي لها امسوىّ=تدحم ابزينها زينات الاشكالي
كنها بالجمال اجمل بني حوىّ=نادرة وصف تشعف كل وبالي
مشيها مع فحلها ماهو املوىّ=كنها لا تتالت صفة إدلالي
واسم (رمّان) من بين العرب دوىّ=من سلالة فحولٍ شانها عالي
لا عرض زول شيخٍ كله احموىّ=نظرته عاليه وافكاره اثقالي
بجايزة من عليه اطيب فعل خوىّ=موحد المملكه زيزوم الابطالي
لو معزي مضى باكفانه امطوىّ=زالت الروح مير الفعل مازالي
غارب الجهل عقب افعاله امكوىّ=وانجب املوك تشبه له بالافعالي
كل واحد محنّك راس وامروىّ=من دلو مقرن اللي جمّها ازلالي
واشهد ان المهيلب قرر وسوىّ=صار لهل المزاين مضرب امثالي
المهيلب ليا منّه سرح ضوىّ=(نادر الفعل) مايسرح على الخالي
[/poem]
ودمتم سالمين
تعليق