السلام عليكم ورحمة الله
طاح المطر والخبر ياحي من جابه,,,,علمَ يسر الفؤاد وزود افراحه
جت نفعت الجيب ولا ويش نبغابه,,,,ياماحلا مع طلوع الفجر مسراحهطاح المطر والخبر ياحي من جابه,,,,علمَ يسر الفؤاد وزود افراحه
مارحت اعس الربيع ابغى اتمشابه,,,,كلــه علشــان براقــه وطياحــه
وضح(ن) خطاها لجرد البيد نهابه,,,,ماهوب خسران من تضوي على مراحه
يومين والثالث تعشي على حرابه,,,,من ديرة الوشم والممشى على الراحه
تبا ربيع (ن)على الصمان وترابه,,,,ريحة زهوره إليا امس الليل فواحه
للبل حقوق(ن) على الرجال غصابه,,,,لو ان مصادر الارزاق شحاحه
يتبع هواها ودار(ن) رجــع ترعابــه,,,,يتعب لو ان التعب من شانها راحه
يبعد عن الناس والخــلان والــلابــه,,,,في شف وضح(ن) خذت قلبه ومفتاحه
الشاعر:ضويحي محمد كبيشان السيحاني اطال الله في عمره
تعليق