قصيدة ناصر الفراعنة بوصف البل(من أروع القصائد)

السلام عليكم

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يوم كل لابن عمّه عصب راسـه وشـاش=شش ياراسي لارحم رحم ابو مجناك شـش
يوم جينا للمزاين وغاض المـاء وطـاش=بانو اهل البل وبان الاصيل مـن الغشـش
يوم جاكر ذودنـا ذود الاجنـاب استغـاش=ذودنا يفرق بفرق البصيـر مـن العمـش
طقّ للذيدان باصبع وهيض الجـاش جـاش=جعل ابو من يجحد الحق يشرى لـه نعـش
اربع الذيدان سيقـت علـى ريـع مشـاش=كـنّ خّّـدّه زبرقـان الحريراليـا انبـرش
بين صفرا واشعـلا كنّهـا طـش الغـراش=بين ملحا وبين وضحا تقل وجـه امغبـش
ولّّ قلـب دقّتـه كنّهـا طلـقـة كــلاش=يـوم صيّّح"عامري""لعمـري" والديـم رش
كـن تنظّـام الجماهيـر وغترهـا تبـاش=طقم لولو في ثغـر حلـوة المبسـم بهـش
زبـدة الاربـع ثـلاث رقشناهـن رقـاش=يافهـد والرابعـه جالنـا فيهـا امخمـش
ولو لفونا من هل الوادي الاقصـى هتـاش=وادي سبيع المقـدس لفانـا مـن هتـش
كان اخذناالاربعه حاضـر بحاضـر وكـاش=ورثنا هي ورثنـا دونهـا لطـم الخشـش
يا بن علوش البل البل ربوعي يـا بـلاش=هم هل البل دونهـا ورّدوا خضـر النمـش
يافهـد حنـا هـل البـل مدلهـة البـواش=دونها مـا ينتفـخ راس شيـخ الا ويفـش
دونها كم روس قوم علـى الرقـه تطـاش=دونها سوق الرصاص الحمـر جينـاه دش
دونها كـل اشقـر بالشبيلـي مـا يحـاش=للنحـر رمـح مدبّـب وللعلـبـا مـقـش
دونها حشنا السلاطين بالبيـض الحـواشّ=ولا انفهقنا ليـن عـوّّد غضنفرهـم (...)
دونها ملعون ابو مـن يبيهـا لـه معـاش=غصب ولا بالرضا تفدي( دغيش) و(دغش )
دونها شهـب المعـارك دفشناهـا دفـاش=مثل يوم (عريق )و(طويق) و(دوارة نعـش)
وغير وقعة (حنو) وقعة (غراميل الفـراش)=وهية في (جـو ساقـان) بارقهـا رهـش
يا فهد يا ما حلا تدريجهن يوم للسيل ادّحاش=في مداحي عثعث حطـه الوسمـي منـشّ
في رغـد قـاع زماليـق جيّّانـه تجـاش=اشهرين وادهـم الغيـث فوقـه يمتحـش
يلعب الزملوق في خايعـه لعـب الفـراش=وام سالـم تطلـب وابـو سالـم يبرهـش
غـادي كنـه زواليـف سجـاد تـهـاش=من عقب ماهو مثل خدّة الوجـه الخـرش
كن صـوّّاك الغضـا فيـه بوّابـة قـراش=كن زهـر ورده طرابيـش تـرك تدّهـش
كن زبيديّه ليـا صلّعـت روسـه وكـاش=روس حجّاج عقب حلّقـوا سـود القشـش
اول الاربـع جهامـة مجاهـيـم تـنـاش=كنهن سهّـاب نـوّ علـى القمـرا غطـش
لا نثعن كنهن سبيب ادهـم غـاد طشـاش=وان تتالن كنهـن مـن طوابيـر الحبـش
من زبار (الخاطبيه) ليـا (حـزم الرقـاش)=في عروق سبيع نـزو المجاهيـم ايهقـش
مثل ممشى الحافيه خايفه وطي الخشـاش=لا امهلن وان عجّّلـن يلعبـنّ الطرقعـش
قطف ما في اوبارهن لأمّّ ريحانـه عـراش=والمذيّّـل مثـل ريـش النعـام المنفـرش
كنهن روس تحاذف غترهـا فـي هـواش=لا نحوهن عن هواهن وضاميهـن جهـش
كن بين عيونهن ضوح نـار فـي قشـاش=وكن وبرهن يمرخونه بماء عين iلوحـش
كن فحلهن بينهن يوم جاء يدقـش دقـاش=وهنّ من حوله صفوف تجش القـاع جـش
حاكم يهتف له الشعب كله عـاش عـاش=كبّـروا راسـه ولا عـاد يحتّشـه محـش
ول يا ملحا تحت ظـل السبيعـي ماتنـاش=كنّهـا لاشفتهـا يافهـد ترعـى المشـش
بنت شيخ لبسوها اسـود الخامـه قمـاش=في حداد وعمرها ما تعـدى اربـع طعـش
وثانـي الاربـع شـرارة مغاتيـر بشـاش=كن وبرهنّـه بـرشّّ مـن الفضّـه يـرش
كن مرافضهن صيانـي سلاطيـن غبـاش=كـن قريـش اثفانهـن سنديـان منقـرش
وصـف قبّـة مسجـد سقّفـت بالبيلكـاش=وصف مردودم سنام على العطّّـف وقـش
كن حسّ ارغيّهـن قرقشـة طفـل بقـاش=وتضحّّـك خفـرة غازلـت راعـي بكـش
كن بلهان الفحـل بينهـن يـوم استهـاش=ثم هدر واضحن خشيـع خضيـع ماتهـش
ضابط افراد لقـى وقفـة الطابـور مـاش=فار دمّه ثم عطى الامر "ثابت يـا حـوش"
ول يا وضحا كنّهـا قطنـة تربـط بشـاش=فوق اصيبع جاهل طـشّ دمّـه ثـمّ نـش
كنّها تحت الذرى من عقب طـق الرشـاش=جـادل دوبـه خذالـه يابـن علـوش دش
كنّها لا فرّّعت مـع ظهـر حـزم نكـاش=خفـرة ضاقـت وذبّـت عبايتهـا طـفـش
لا اختفى بدر الظلام اكشحت مثـل الفـلاش=وان تبـدى زادت النـور نـور وارتهـش
وثالث الاربع من الصفر حلـوات الرهـاش=كن سمار ازوالهنّّـه قصـور فـي جـرش
تقل ساعة يفترشن ابيض الارض افتـراش=روس اصابع حرّّة بأخضـر الحنّـا تمـشّ
كنّ حسـك ظهورهنّـه ذواليـق العشـاش=بينها القمري بنى له ميـة عـشّ وعـش
كـن علابيهـن ورزّّات الآذانـي هـواشّ=قبّّعة جندي خفـر صوّّتـوا لـه وانخـرش
ووصف قاعـة برلمـان تلاقـوا للنقـاش=وصف دمث اردوفهن لا تبدّن عقـب طـشّ
كن لعوب اذيالهن لاغدى يرعـش رعـاش=قرن مملوح بليلـة زفـاف اختـه رعـش
كنّهـن نسـوة شريـف تلاقـن بالمقـاشّ=يوم غارن من بعضهن تلاقطـن الشـوش
ورابع الاربع من الشعل حلـوات المهـاشّ=في الدحى كنهن شيـوخ مذهّبـة الجمـش
كنّ وصف الشعل فوق ابيض الخد الحـراش=عقد سلسال على صدر ابورمـش عكـش
كن غواربهـن محاريـب رهبـان نـواشّ=جرّة الميسـم عليهـن تقـل جـرّة حنـش
كنّهن ضوح الشفق يـوم بارقهـن تـواشّ=او كسر ياقـوت حـدري مصابيـح تـوشّ
وكن حدرهن يخت ملياردير فـوق طـاش=وكـن اذانيهـن مزاميـر عبّـاد الـدبـش
كنّهن حـدر المطـر خـرّد بالمـا تـراشّ=والحويّـر تقـل ورع يـدوّر لـه مخـش
كنّهن برشوم وجّّ المذهّّـب فـي القـراش=تغري الضد المناحـر والـى هّـدّ ابتلـش
يا فهد هذي وصوف البل جاشـت بجـاش=شاعر له فوق عـرش الشعـاره مدّّقـش
يافهد جاني على سبكـة المعنـى خـراش=كنّ بين اضلع حشاي الـف جنّّـيّ غـوش
افرق (النقطه) عن (الفاصله) بثنيـن (داش)=لا أبو حشّ الـردي لا أبـو واليـه حـش
لا أبو عين عن الشـوف لاحقهـا عمـاش=لا أبوها اذن عن السمـع لاحقهـا طـرش
ذا وتالي القول مثـل اوّّلـه والـلاش لاش=شش ياراشي لا رحم رحم ابو مجناك شش
[/poet]
أتمنى أنها أعجبتكم
وشكرًا

صح لسان الشاعر ولاهنت على النقل.

بيض الله وجهك
وصح لسان الشاعر

بيض الله وجهك

وصح لسان الشاعر

صح لسان الشاعر ولاهنت على النقل.

لاندمت
وهلا بك

بيض الله وجهك يا خالد

وشكر علي النقل

بيض الله وجهك
وصح لسان الشاعر

وجهك أبيض وهلا بك

بيض الله وجهك

وصح لسان الشاعر

وجهك أبيض
وهلا بك

بيض الله وجهك يا خالد

وشكر علي النقل

وجهك أبيض ياكامل
وهلا بك

أرررررررررحب يا خالد


ولا هنت وبيض الله وجهك على النقل المميز

وسلمت يمينك على الاختيار


وصح الله لسان الشاعر ناصر الفراعنة السبيعيي


تقبل تحيات

محمد بن جاري

هلا بمشرفنا
ولا ندمت
ومرورك شرف لي