عربٍ الا ما وكدت زول ميّاح000 منها حنايا الحوض راحت حطايب

القصيدة للشاعر / مشبب بن مسامح المنيعي الأكلبي رحمه الله


[poet font="Tahoma,5,darkblue,bold,italic" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يا راكبٍ من عندنا فوق ضبّاح= يجفل الا ما اومت عليه الجنايب
جنايبه مثل الغرابين طفّاح= حرٍ هميمٍ من خيار الركايب
منصاك منهو للمواحيل ذبّاح= ويفرح ليا ماشاف عوص النجايب
مايذبح الا من المواحيل قرّاح= ويقلط عليها لو ثمنها غلايب
غمرٍ ثمان سنين من ديرته راح= ومن راح صوب الشام بيتم غايب
مذوقهم بيضٍ معا حب تفاح= ويسهّله بالببس عذب الشرايب
يكتب بخط الحبر في زين الالواح= واللي تعلم فالقلم حِط نايب
فيابو سعيد السد منه العزا باح= واللي مهيضني علومك عجايب
والعين مني دمعها فالغبا فاح= ولاجيت بارقد شب فيها شبايب
تقول بع البل ومن الهم ترتاح= وخلك تحضرا جوف ربعٍ قرايب
فمن بيّع ابله وانثنى فالبلد طاح= هذاك جايه من وليّه عقايب
خله ليا منه انتحى البرق هم لاح= نبرا لطرعات البكار الحلايب
عربٍ الا ما وكدت زول ميّاح= منها حنايا الحوض راحت حطايب
لاشفتها في مرتعٍ فيه طفّاح= يزداد حالي ياعطيب الضرايب
فالبل هواها فالمناعير مصلاح= يرعا بها الاقفار ماهوب هايب
ترى الهوى سوقة معاشير ولقاح= في عثعثٍ ماجاه كون الهبايب
قلبي يحب البل ولانيب مزّاح= جرد الرقاب مذورات الربايب
احب قمراً تحتها الديد ميضاح= وصفراً تشوق العين فيها جنايب
كنها هنوفٍ تلعب الغي بشفاح= تهَبّد الغران والرجل غايب
لانيب لاشاوي ولانيب فلاّح= ورزقي على ربٍ ينشي السحايب
[/poet]

صح لسانك والله يرحم الشاعر ولا هنت على النقل

رحم الله الشاعر واسكنه فسيح جناته
وبيض الله وجهك

أررررررررررررحب يا شجاع



ولا هنت


وسلمت يمينك


والله يرحم شاعرها


تقبل تحيات مغليك


محمد بن جاري

فمن بيّع ابلـه وانثنـى فالبلـد طـاح
هــذاك جـايـه مــن ولـيّـه عـقـايـب

خله ليا منه انتحى البـرق هـم لاح
نـبـرا لـطـرعـات الـبـكـار الـحـلايـب

.
.
.

لانـيـب لاشـــاوي ولانـيــب فـــلاّح
ورزقي على ربٍ ينشي السحايب


======================

أررررررررررررحب يا ابو عمر

اختيار جزل وراقي من شاعر جزل معروف

سلمت يمينك ورحم الله شاعرها وانشهد انه صدق

تحياااااااااتي وغلااااااااااااي

أخوك