منافسه بين اهل المجاهيم والمغاتير والهجن .....!

السلام عليكم ورحمة الله وبركاته


اخواني الاعزاء دخلنا في تحديات ومراهنات في مجلسنا

فكنت حقيقة منحاز للمجاهيم بعقلي وافكاري وقناعاتي لكن قلبي يميل للوضح مدري ليش

لذلك كنت مع المجاهيم ولكن قلبي يتقطع ميت على الوضح

وقبل كتابة الموضوع اتصل بي الاخ العزيز محمد الصياف العنزي

يبشرني انه باع المجاهيم واشترى وضح ..( الله يبارك لك ياابوعبدالله)

ونقلت لكم الموضوع حتى تكونوا حكما فيه

فاارجو منكم الحياديه والابتعاد عن العنصريه

لو خيروك في الابل وش تختار بالنسبه للطبع وسبب الاختيار

ان شاء الله تستمتعون بمشاهدة هذه المقاطع اللتي تم اختيارها من اليوتيوب



نعرض لكم ثلاث مقاطع


الاول المجاهيم

من زين طبعها تدخل من تحت بيت الشعر وتطلع قبل

http://www.youtube.com/watch?v=Tx1zQxArZeU

الثاني المغاتير

مغاتير تقطع الشعيب

http://www.youtube.com/watch?v=CsscQRP40OU&feature=related

الثالث الهجن

عقب هالفيديو يااهل الاصايل ماعاد بقى الا تركبون الهجن في الغماره ...مافيكم حيله

http://www.youtube.com/watch?v=8m7opzxtwps

تقبلوا تقديري وتحيتي فرد فرد دار دار

رد: منافسه بين اهل المجاهيم والمغاتير والهجن .....!

وعليكم السلام

انت كذا حيرتنا يابو خالد لكن تبقى المجاهيم بالمقدمه..

اعرف رجال شرا ناقة مزاين مجهم ولا خذت اسبوع الاهي متعلمه الخطام وركوب السيارة

رد: منافسه بين اهل المجاهيم والمغاتير والهجن .....!

وعليكم السلام

انت كذا حيرتنا يابو خالد لكن تبقى المجاهيم بالمقدمه..

اعرف رجال شرا ناقة مزاين مجهم ولا خذت اسبوع الاهي متعلمه الخطام وركوب السيارة

يامرحبا ومسهلا ياحمد السبيعي

التصويت فوق يثبت الافضل

بعدين الدليل موجود ....واللي عنده دليل يجيبه بالتصوير حتى يكون شاهد



الله يستر من اهل المغاتير وزعلهم

رد: منافسه بين اهل المجاهيم والمغاتير والهجن .....!

لو خيروك في الابل وش تختار بالنسبه للطبع وسبب الاختيار

[mark=#000000]الوضح[/mark]
إفرقن في لونهن والطبع كااااااايف
سبب الإختيار في التوقيع
البياض يابوخالد الله محليه على خلقه

رد: منافسه بين اهل المجاهيم والمغاتير والهجن .....!

[mark=#000000]الوضح[/mark]
إفرقن في لونهن والطبع كااااااايف
سبب الإختيار في التوقيع
البياض يابوخالد الله محليه على خلقه

ههههههههههههه

تصريح خطير ياابوغلا



ان شاء الله مع شقت النور يجون اللي يعدلون التصويت

لا خلا ولا عدم

رد: منافسه بين اهل المجاهيم والمغاتير والهجن .....!

اكيد (مجااااااهيم) طوال الغوارب

والمغاتيركلها بألوانها طيبه وطرب وولع

رد: منافسه بين اهل المجاهيم والمغاتير والهجن .....!

صباح الخير يابو خالد
المجاهيم وتم التصويت على المجهم

المجهم طبع + حليب+ وزينها زين


مير تدري ازهـم الراعـي وكثـر بالحليـب

خلنـا ندهـن سـواد القلـب وألا نـدمـرة

خلفتـن ماهيـب ملحـا لاتهمـك يالصحيـب

الحـلا لـو قصـرت بـه الجزالـة تجبـره

رد: منافسه بين اهل المجاهيم والمغاتير والهجن .....!

اكيد (مجااااااهيم) طوال الغوارب

والمغاتيركلها بألوانها طيبه وطرب وولع

يامرحبا يالسمي

مداخله دبلوماسيه وخطيره والتصويت اشلعوه اهل المجاهيم

قايل لك ياابوغلا يجون اهل المجاهيم مع الجهام

لاهنت

رد: منافسه بين اهل المجاهيم والمغاتير والهجن .....!

صباح الخير يابو خالد
المجاهيم وتم التصويت على المجهم

المجهم طبع + حليب+ وزينها زين


مير تدري ازهـم الراعـي وكثـر بالحليـب

خلنـا ندهـن سـواد القلـب وألا نـدمـرة

خلفتـن ماهيـب ملحـا لاتهمـك يالصحيـب

الحـلا لـو قصـرت بـه الجزالـة تجبـره

ياصباح الخيرات والمسرات اخوي الغالي محمد

والله يالتصويت مثل باتريوت يوم سدح سكود .....كفو كفو يااهل المجاهيم

صبحتوا اهل المغاتير

مداخله رائعه تكتب بماء الذهب

لاهنت يالقرم

رد: منافسه بين اهل المجاهيم والمغاتير والهجن .....!

اولآ كل عام والجميع بخير
ثانيآ مرحبا بك يابو خالد
وتحزم بي يامسندي
المجاهيم طال عمرك هي ابل العرب
والا بغيت تعرف فرقها وبركتها في المراح
العشر منها لا ضويت عليها تقوول ثلاثين خابط قدامك
اما المغاتير ثلاثينها كنها عشر
ولو جمعنا مغتر ومجهم في شبك تعرف الفرق بينهن كبيرررر
وعطني اغلا مغتر كم بيعت به
وقارنها مع غالي المجاهيم مافيه مقارنه حتى
با سعارها المجهم وصلت ارقام خياااليه
واما قولت الطرب
فهي للبل العجله في ممشاها وصحيح انها للمغتر لان الغالب عليها دايم وهي ماتسمع الا الصياح فيكون طبعها طرب دايم
وهل المجاهيم يحبون الركاده واكثرهم مايحب ان ابله تهج الا القليل منهم طبعها مثل المغاتير وصارت اعبر منها
وأنا شخصيآ أعرف راعي مجاهيم دوسري في وقت الربيع وعنده مناسبة غدا ذاك اليوم
ومجتمعين عنده أهل المغاتير صوب نجد
وتماروا بينهم بالهجيج من اللي بتروح ابله على الثاني
ووصلت تحدي بينهم فقام راعي المجاهيم معزبهم وعلق مفتاح الوايت السقس
في عمود البيت وقال ياهل المغاتير اللي منكم ابله بتروح على ابلي ياخذ السقس
والله مافيهم واحد تزهل بأبله ذاك اليوم .
صراحـــــــه يا بوخـــــالد انك قبستها الله يخارجنا منك ومن هل المغاتير هههههههههههههههههههه

تقبلو تحياتي جميعآ

رد: منافسه بين اهل المجاهيم والمغاتير والهجن .....!

الـمجاهيـــــــــــم

المجهم اللي لـونهــا لــــــون الغــــــــراب

رد: منافسه بين اهل المجاهيم والمغاتير والهجن .....!

المجــــــــــــاهـيــــــــم


[poem=font="Comic Sans MS,7,,normal,normal" bkcolor="transparent" bkimage="http://www.mzayan.com/vb/mwaextraedit4/backgrounds/31.gif" border="none,4," type=0 line=0 align=center use=ex num="0,black""]
ونستـي ملحـــــا من البــوش غـاربـهـا سـنـاد = فــاهـقـن سنامهـا ناشبــن بردوفـهــا
[/poem]

رد: منافسه بين اهل المجاهيم والمغاتير والهجن .....!

كلها مباركه طال عمرك
لكن الزين والركادة والحلا
ألي يشلع القلب في المجهم

رد: منافسه بين اهل المجاهيم والمغاتير والهجن .....!

بدون تردد وبدون شك (((( المجاهيم ))))


لي عوده

رد: منافسه بين اهل المجاهيم والمغاتير والهجن .....!

كل واحد له نضره وعلى ماقالو المجاهيم ابل عرب والمغاتير ابل طرب والي في راسه طرب وصطر ابله مغاتير والي في راسه ركاده ابله مجاهيم ويتعوذ من الشيطان هههههههههه المغاتير مافيهاء حيله