يوم طاح الوسم درجنا ضعنا = وأقتفتنا الوضح سمحات الخدودي
مع مجاهيم(ن) تون الحزم ونا = طافحن قدامها كل مهدودي
ذي عوايدنا وتاريخ لآهلنا = ننتحي مع درب هجال الرعودي
لأاشتعل برق الوسامي ماشحنا = هل قطيع(ن) ماتقيد باالقيودي
ماحلى خبط الخزامى لانزلنا = ترجع الطياح في خبة نفودي
قدمها حيرانها لامن ضونا = وناحرت خلفاتها غم الحسودي
قدمها بن سعيد يمشي ماتونا = واصبحت مع جرته مثل الورودي
فوق جيب(ن)لاعطى المطناج ونا = ينهزه بثنين والثالث يزودي
لين قامت في زماليقة تثنا = وان جحدني واحد(ن)عندي شهودي
الخيام البيض في عشبه تبنا = قلقلانه راكب فوق الحيودي
علم اللي ينشد المطراش عنا = ندفع الخلفات في عشب الحدودي
لين سمنن العشاير واستونا = نيهن يفهق على الغارب سنودي
يوم قفى الوسم شلنا وارتحلنا = عقب طاح الصيف ياعله يعودي
صّرمت روس العروق اللي زمنا = يوم قالوا نجد تسقيه الرعودي
قصيدة الشاعر الكبير / ناصر بن طمران القرفي البقمي رحمه الله
وبن سعيد المذكور في القصيده فهوجدي صــاحب رمـان اللي اعرض لكم بناته
جعلني فدوت الشايب
..
مع مجاهيم(ن) تون الحزم ونا = طافحن قدامها كل مهدودي
ذي عوايدنا وتاريخ لآهلنا = ننتحي مع درب هجال الرعودي
لأاشتعل برق الوسامي ماشحنا = هل قطيع(ن) ماتقيد باالقيودي
ماحلى خبط الخزامى لانزلنا = ترجع الطياح في خبة نفودي
قدمها حيرانها لامن ضونا = وناحرت خلفاتها غم الحسودي
قدمها بن سعيد يمشي ماتونا = واصبحت مع جرته مثل الورودي
فوق جيب(ن)لاعطى المطناج ونا = ينهزه بثنين والثالث يزودي
لين قامت في زماليقة تثنا = وان جحدني واحد(ن)عندي شهودي
الخيام البيض في عشبه تبنا = قلقلانه راكب فوق الحيودي
علم اللي ينشد المطراش عنا = ندفع الخلفات في عشب الحدودي
لين سمنن العشاير واستونا = نيهن يفهق على الغارب سنودي
يوم قفى الوسم شلنا وارتحلنا = عقب طاح الصيف ياعله يعودي
صّرمت روس العروق اللي زمنا = يوم قالوا نجد تسقيه الرعودي
قصيدة الشاعر الكبير / ناصر بن طمران القرفي البقمي رحمه الله
وبن سعيد المذكور في القصيده فهوجدي صــاحب رمـان اللي اعرض لكم بناته
جعلني فدوت الشايب
..
تعليق