قصيدة اعجبتني ونقلتها لكم

الله مِن قلبٍ همومه تتلّه
مثل الذي يتل دلوه من البير

راعي نياق ورّد البير بلّه
بِلٍّ يورّدها وبلٍّ مصادير

نوبٍ يصل الدلو ونوبٍ ِيتلّه
والبير جيلانه خفيسٍ مخاطير

والبل ضميأ والموارد مِقلّه
بالقيض حاديها جحيم المساعير

عجلات والحيران جن يتبعن له
متنصّيات البير عقب المساعير

جنّك ظوامي والصحاري تِفلّه
مِلحٍ معاها شقح وأيضا مغاتير

بارضٍ خلا مابه نباتٍ يظلّه
بارضٍ خلا مابه حياةٍ ولاطير

على الذي داست على البيض كلّه
غصبٍ على كل البنات الغنادير

على الذي لاهي طويله مِخلّه
ولاهي من اللي مالهٍ جسمه اِقصير

شيهانةٍ في راس رجمٍ مطلّه
في راس عوجٍ نايفاتٍ معاسير

مملوحة الخدين والخشم سلّه
سلّة سيوف الساطيات البواتير

ماظنّتي بالحور مثله ولِلّـه
من زينها كل الحواري مغايير

ورمشٍ عليها يظلم الليل ظلّه
والكحل جالس بالعيون المحاجير

ومبسم إليا منّه طلع ماتملّه
من ضوِّ خدّه تسري الليل وتسير


ياظنّتي أصله وفصله ومِن له
راحوا وجابوها من كوكبٍ غير




منقوووووووووول

[glow=#33FF00]أخي أبراهيم الحربي يعطيك العافية على هذه القصيدة الرائعة وبيض الله وجهك على هذا النقل المميز ومشكوووووووووووووووووووووووووووووووووووووووووووووو ووووووووووووووووووور
تحياتي[/glow]

[طراد العتيبي]

بيض الله وجهك وصح لسان الشاعر

صح لسان شاعرها وتسلم على النقل الجميل

ابراهيم الحربي

صح لسان شاعرها

وتسلم على النقل الجميل

تحياااااااتي

أخوك