بسم الله الرحمن الرحيم
السلام عليكم ورحمة الله وبركاته..
أخواني الأعزاء إليكم هذه القصيدة
للشاعر بسيس بن سفر بن حديّد الشدادي رحمه الله
البل عطايا الله طـوال النسانيـس
حليبها أحلى مـن حليـب البقالـه
خلفن ليا جن والشمايـل معابيـس
ما أحلا حليب الخلفـه أم الشمالـه
لا جن يبـن مراحهنـه مشاميـس
تبغى المراح وحظ منهـي حلالـه
لا شافها الغافل تعوذ مـن ابليـس
زمالـة ٍ يـا حيهـا مـن زمـالـه
حليبها أحلى من حليب القراطيـس
ماله طعم مثـل الشعيـر النخالـه
هذا لبن علبـة وهـذا لبـن كيـس
ولا ينعرف صافي اللبن من حثالـه
لبن صناعـي مالـه أم ٍ ولا ديـس
وأن زل تاريخه نطل فـي الزبالـه
وقلبي ليا دقـت عليـه الهواجيـس
مـر ٍ مـع العالـم ومـر ٍ لحالـه
ما عاد أشوف النجر هو والمحاميس
وأشوف بعض النـاس بيّـع دلالـه
وخلا العوض ثلاجة ٍ مالهـا قيـس
وحاله مع أهل الكيف يا خس حاله
هذا زمان ٍ بذ ابن علـي وبسيـس
ورمابهـم بيـن الرشـا والمحالـه
رمابهـم وأخـذ عليهـم مراويـس
وش ذا الزمان اللي سريع ارتحالـه
وتكفى يا اخو تركي بعيد المراميس
محماس بن سودان عطه الرسالـه
وقلـه كفـاه الله شـر المناحيـس
وتـراك عنـي قايـم ٍ بالوكـالـه
وسلامتكم
[/align]
تعليق