قصيده أعجبتني
ياريســي عندي أنا باقي أيام = وقعْ طلبها يالسنافي على الفور
إبغي أسج الرجل واصير حوّام = حول الديار الي بها عشب وأفطور
ودي افارق بدلة الشغل والزام = واطلق مجال الشوف والبال مسرور
شفْي انا المشراف والجو لا غام = وخوة رجالٍ تسمع الراي والشور
يا زين شوف الذود في مرتعٍ دام = عليه من وسم الحيا بضعة شهور
تنبت به الريضان والعشب به زام = من عقب ماهي محْلٍ عدة دهور
وتبا شروا البدوان حيث المطر عام = على ربوع المملكة مابه قصور
ثم شدوا العربان والذود قدّام = يبرا لها قرمٍ صبورٍ على الجور
ثم نزلوا في خايعٍ حوله ثمام = متخالطٍ مع عرفجٍ كلّه زهور
وجوٍ تمايل فيه شيحٍ مع خزام = شوفه يرد الروح وتثلج له صدور
جعله بعد شوفة هل الترك والشام = وجنيف مع باريس وبلاد تيمور
علاقتي بالبر ريشه ورسّام = علاقةٍ يالربع ما والله إتبور
ياريســي عندي أنا باقي أيام = وقعْ طلبها يالسنافي على الفور
إبغي أسج الرجل واصير حوّام = حول الديار الي بها عشب وأفطور
ودي افارق بدلة الشغل والزام = واطلق مجال الشوف والبال مسرور
شفْي انا المشراف والجو لا غام = وخوة رجالٍ تسمع الراي والشور
يا زين شوف الذود في مرتعٍ دام = عليه من وسم الحيا بضعة شهور
تنبت به الريضان والعشب به زام = من عقب ماهي محْلٍ عدة دهور
وتبا شروا البدوان حيث المطر عام = على ربوع المملكة مابه قصور
ثم شدوا العربان والذود قدّام = يبرا لها قرمٍ صبورٍ على الجور
ثم نزلوا في خايعٍ حوله ثمام = متخالطٍ مع عرفجٍ كلّه زهور
وجوٍ تمايل فيه شيحٍ مع خزام = شوفه يرد الروح وتثلج له صدور
جعله بعد شوفة هل الترك والشام = وجنيف مع باريس وبلاد تيمور
علاقتي بالبر ريشه ورسّام = علاقةٍ يالربع ما والله إتبور
تعليق