جعل السحاب اللي تزبر مسيان
وأقبل من القبله تساوق مزونة
يلعب ربابه فالسماء لعب حيران
وكن لكسجين معلق في ردونه
يمطر من الظفره ليا حد نجران
ومستدخلٍ سيح المناهيل دونه
خرفية يروى بها كل عطشان
وعساسها لاجا العرب ينشدونه
قال الزهر ومخالطة نبت بركان
في مرتع ماب الشواوي يجونه
وشافو سهيل لاظهر شوف الاعيان
وكل على شفه يقدي ضعونه
شدوا هل الابل وابعدو من هل الضان
وراع الغنم يصبر ولاله مهونه
يبغون نبتآ زاهره تومازان
لاهبه النسناس مالت غصونه
عزيل من حاله مع البدو غرضان
واللي مشى مع دربهم يتعبونه
بدوآ ليا قالوعلى جوساقان
سحبآ من الوسمي تتالى مزونه
شدوا على الاوضح والاسمر وحرصان
وراعى الغرض مسكين مايحترونه
وتواعدوا لاجا المعشى مسيان
في منزل مادري متى ياصلونه
وجاتك عطايا الله مع درب الاضعان
ومن اعترض في دربهم يسهجونه
مرباعهم مابين عثعث وصمان
يازينهم عقب المطر ينزلونه
تلقى ام سالم تسجع بالالحان
لاجرت الموال زانت لحونه
وبيت الشعر يبنا على روس عمدان
في مارتفع عاداتهم يرفعونه
كنه ينادي كل مامر ضيفان
والضيف في سلماًللعرب يكرمونه
يلقى الشحم والطيب ودلال رسلان
ومن قام حظه شفت ربعه يجونه
هذي حياة البدو يوم العرب كان
منين ماطاح الحيا ينجعونه
راحت حلام كلها في خبر كان
وراحت حلات البر ياللي تبونه
للشاعر فهد بن قحيفان الدوسري
وأقبل من القبله تساوق مزونة
يلعب ربابه فالسماء لعب حيران
وكن لكسجين معلق في ردونه
يمطر من الظفره ليا حد نجران
ومستدخلٍ سيح المناهيل دونه
خرفية يروى بها كل عطشان
وعساسها لاجا العرب ينشدونه
قال الزهر ومخالطة نبت بركان
في مرتع ماب الشواوي يجونه
وشافو سهيل لاظهر شوف الاعيان
وكل على شفه يقدي ضعونه
شدوا هل الابل وابعدو من هل الضان
وراع الغنم يصبر ولاله مهونه
يبغون نبتآ زاهره تومازان
لاهبه النسناس مالت غصونه
عزيل من حاله مع البدو غرضان
واللي مشى مع دربهم يتعبونه
بدوآ ليا قالوعلى جوساقان
سحبآ من الوسمي تتالى مزونه
شدوا على الاوضح والاسمر وحرصان
وراعى الغرض مسكين مايحترونه
وتواعدوا لاجا المعشى مسيان
في منزل مادري متى ياصلونه
وجاتك عطايا الله مع درب الاضعان
ومن اعترض في دربهم يسهجونه
مرباعهم مابين عثعث وصمان
يازينهم عقب المطر ينزلونه
تلقى ام سالم تسجع بالالحان
لاجرت الموال زانت لحونه
وبيت الشعر يبنا على روس عمدان
في مارتفع عاداتهم يرفعونه
كنه ينادي كل مامر ضيفان
والضيف في سلماًللعرب يكرمونه
يلقى الشحم والطيب ودلال رسلان
ومن قام حظه شفت ربعه يجونه
هذي حياة البدو يوم العرب كان
منين ماطاح الحيا ينجعونه
راحت حلام كلها في خبر كان
وراحت حلات البر ياللي تبونه
للشاعر فهد بن قحيفان الدوسري
تعليق